Would you be shocked to know the value of the jewelry worn by Vijay and Rashmika at their wedding : ఉదయ్పూర్ ప్యాలెస్ వేదికగా ఫిబ్రవరి 26న అత్యంత వైభవంగా జరిగిన విజయ్ దేవరకొండ, రష్మిక మందన్నల వివాహ ఫోటోలు ప్రస్తుతం సోషల్ మీడియాలో సెన్సేషన్ సృష్టిస్తున్నాయి. ఈ వేడుకలో వారి పెళ్లి దుస్తులతో పాటు, వారు ధరించిన ప్రత్యేకమైన ఆభరణాలు అందరినీ మంత్రముగ్ధులను చేశాయి.
ముఖ్యంగా ఆ నగల వెనుక ఉన్న శ్రమ, వాటి విలువ ఇప్పుడు చర్చనీయాంశంగా మారింది. ప్రముఖ ‘శ్రీ జ్యువెలర్స్’, జాతీయ మీడియా సమాచారం ప్రకారం.. రష్మిక తన వివాహ వేడుకలో ఏకంగా 1.5 నుండి 2 కిలోల బరువైన బంగారు ఆభరణాలను ధరించారు. వడ్డాణం, మంగళసూత్రం, నెక్లెస్, జడబిళ్ల, బాసికం వంటి దాదాపు 11 రకాల డిజైన్లను ఆమె కోసం ప్రత్యేకంగా రూపొందించారు. వీటి ధర సుమారు రూ. 3 నుండి 5 కోట్ల మధ్య ఉంటుందని అంచనా. ప్రముఖ డిజైనర్ అనమికా ఖన్నా రూపొందించిన ‘ఆరెంజ్ గోల్డ్’ శారీకి తగ్గట్టుగా.. దక్షిణ భారత దేవాలయ శిల్పకళ ఉట్టిపడేలా ఈ నగలను తీర్చిదిద్దారు.
పెళ్లి కొడుకు విజయ్ దేవరకొండ కూడా ఏమాత్రం తగ్గకుండా అచ్చం రాజులా మెరిసిపోయారు. ఆయన సుమారు అరకిలో (500 గ్రాములు) బరువైన సంప్రదాయ ఆభరణాలను ధరించారు. వీటి విలువ సుమారు కోటి రూపాయలు నుండి 2 కోట్ల వరకు ఉంటుందని తెలుస్తోంది. ఇందులో వాడిన అరుదైన వజ్రాలు, ముడిసరుకు ఈ నగలకు అంతటి విలువను తీసుకొచ్చాయి. ఈ ఆభరణాలు అప్పటికప్పుడు కొన్నవి కావు. వీటి వెనుక దాదాపు 10 నెలల నిరంతర శ్రమ దాగి ఉంది. “మాకు తాత్కాలికంగా ట్రెండీగా ఉండే డిజైన్లు వద్దు.. తరతరాలుగా గుర్తుండిపోయేలా మన సంప్రదాయం ఉట్టిపడాలి” అని ఈ జంట ఏడాది ముందే జ్యువెలరీ టీమ్కు స్పష్టమైన ఆదేశాలు ఇచ్చారట. అందుకే ప్రతి నగను ఒక కళాఖండంలా అత్యంత జాగ్రత్తగా చెక్కారు. సంప్రదాయానికి పెద్దపీట వేస్తూ, రాయల్ లుక్ను కోరుకున్న ఈ జంట వెడ్డింగ్ ఫోటోలు ఇప్పుడు ఇంటర్నెట్ను షేక్ చేస్తున్నాయి.
