పవన్‌కళ్యాణ్‌ (PawanKalyan) ‘హరిహరవీరమల్లు’ (Hari Hara Veera Mallu Release) మూవీ మరోసారి వాయిదా పడింది. 2025, మార్చి 28న విడుదల కావాల్సిన ఈ సినిమా రిలీజ్‌ మే9కి వాయిదా పడింది. క్రిష్‌ జాగర్లమూడి, జ్యోతికృష్ణలు దర్శకత్వం వహిస్తున్న ఈ మూవీని ఏమ్‌ఎమ్‌ రత్నం, అద్దంకి దయాకర్‌లు భారీ బడ్జెట్‌తో నిర్మిస్తున్నారు. ‘హరిహర వీరమల్లు’ సినిమా రెండు భాగాలుగా విడుదల కానుంది. తొలిభాగం ‘హరిహరవీరమల్లు: స్వార్డ్‌ వర్సెస్‌ స్పిరిట్‌’ మూవీ మే 9న రిలీజ్‌ అవుతుంది. రాజ నర్తకి పంచమిగా నిధీ అగర్వాల్, మొఘల్‌ చక్రవర్తి ఔరంగ జేబు పాత్రలో బాబీ డియోల్‌లు కనిపిస్తారు. అనుపమ్‌శేఖర్, నాజర్, సునీల్, జిషు సేన్‌ గుప్తా…వంటి వారు ఇతర లీడ్‌ రోల్స్‌లో యాక్ట్‌ చేశారు. కీరవాణి ఈ సినిమాకు సంగీత దర్శకుడు.
హరిహరవీరమల్లు షూటింగ్‌ త్వరలో పూర్తి
‘హరిహరవీరమల్లు: స్వార్డ్‌ వర్సెస్‌ స్పిరిట్‌’ సినిమా షూటింగ్‌ ఆల్మోస్ట్‌ పూర్తయింది. పవన్‌కళ్యాణ్‌ నాలుగు రోజులు షూటింగ్‌లో పాల్గొంటే, చిత్రయూనిట్‌ ఈ సినిమాకు ప్యాకప్‌ చెప్పినట్లే. ఈ వారంలోనే పవన్‌ కళ్యాణ్‌ ‘హరిహరవీరమల్లు’ సినిమా షూటింగ్‌లో పాల్గొని, చిత్రీకరణను పూర్తి చేస్తారు. ఆ తర్వాత తాను హీరోగా చేస్తున్న మరో మూవీ ‘ఓజీ’ చిత్రీకరణలో పాల్గొంటారు పవన్‌కళ్యాణ్‌. సుజిత్‌ ఈ సినిమాకు దర్శకుడు. డీవీవీ దానయ్య నిర్మిస్తున్నారు.
మిస్టరీ రోల్‌!
హరిహరవీరమల్లు పాత్రలో పంచమిగా నిధీ అగర్వాల్ రోల్‌ మిస్టరీగా ఉంటుంది. రాజనర్తకిగా కోటలోకి పంచమి ఎందుకు వచ్చింది? వీరమల్లును ఎందుకు ట్రాప్‌ చేస్తుంది? అన్న సీన్స్‌ బాగుంటాయట. అలాగేసముంద్రంలో జరిగే ఓ యాక్షన్‌ సీక్వెన్స్‌తో హీరో అదిరిపోయే ఎంట్రీ విజువల్స్‌ ఉండబోతున్నాయి. ఈ సీన్స్‌ అన్నీ పవన్‌కళ్యాణ్‌ అభిమానులకు ఐ ఫీస్ట్‌ అనే చెప్పవచ్చు.
మాస్‌ జాతర వాయిదా పడ్డట్లే!
రవితేజ హీరోగా చేస్తున్న ‘మాస్‌ జాతర’ సినిమా మే9న రిలీజ్‌కు రెడీ అయ్యింది. కానీ ఇప్పుడు పవన్‌ కళ్యాణ్‌ ‘హరిహరవీరమల్లు’ ఈ రోజున రిలీజ్‌కు రెడీ అవుతున్న నేపథ్యంలో …రవితేజ ‘మాస్‌ జాతర’ సినిమా రిలీజ్‌ పోస్ట్‌ కావడం కన్ఫార్మ్‌ అయినట్లేనని తెలుస్తోంది.
కిరణ్‌ అబ్బవరం దిల్‌ రూబా మూవీ రివ్యూ
నాని నిర్మాణంలోని ప్రియదర్శి కోర్ట్‌ స్టేట్‌ వర్సెస్‌ ఎ నోబడీ మూవీ రివ్యూ
