పవర్‌ కోసం కాదు..ప్రజల కోసం..జన నాయకుడు

Viswa

తమిళ స్టార్‌ హీరో విజయ్‌ చివరి తమిళ చిత్రం ‘జన నాయగన్‌’. విజయ్‌ చివరి చిత్రం అయిన ‘జన నాయగన్‌’ (Jananayagan) కు హెచ్‌. వినోద్‌ (Jananayakudu Director) డైరెక్టర్‌. కన్నడ నిర్మాత వెంకట్‌ కె నారాయణ కేవీఎన్‌ ప్రొడక్షన్స్‌పై ఈ సినిమా ను నిర్మిస్తున్నాడు. తెలుగులో ‘జననాయకుడు’ అనే టైటిల్‌ ఖరారు అయ్యింది. నేడు విజయ్‌ బర్త్‌ డే. ఈ సందర్భంగా ‘జననాయగన్‌’ సినిమా నుంచి, చిన్న టీజర్‌ను రిలీజ్‌ చేశారు మేకర్స్‌. ఈ చిత్రంలో విజయ్‌ పోలీసాఫీసర్‌గా నటిస్తున్నట్లుగా, లేటెస్ట్‌గా విడుదలైన ‘జననాయగన్‌’ సినిమా టీజర్‌ స్పష్టం చేస్తోంది. ఇంకా ఈ టీజర్‌లో విజయ్‌ స్టైలిష్‌గా రావడం కనిపిస్తుంది. ‘కలిసి ఎదుగుదాం, లీడర్‌ అనే వాడు పవర్‌ కోసం కాదు..ప్రజల కోసం’ అంటూ రెండో క్యాప్షన్స్‌ కనిపించాయి. ఇక ‘జన నాయగన్‌’ సినిమాను సంక్రాంతి సందర్భంగా తెలుగు, తమిళం, హిందీ, కన్నడం భాషల్లో జనవరి 9న రిలీజ్‌ చేస్తున్నారు.

విజయ్‌ కెరీర్‌లోని ఈ 69వ సినిమాలో పూజాహెగ్డే హీరోయిన్‌గా చేస్తుంది. గతంలో విజయ్‌–పూజా కాంబి నేషన్‌లో ‘బీస్ట్‌’ చిత్రం వచ్చింది. ఇంకా ‘జననాయకుడు’ సినిమాలో బాబీ డియోల్, మమితా బైజు, గౌతమ్‌ వాసుదేవ్‌ మీనన్, ప్రియమణి, నార్తన్‌ వంటి వారు కీలక పాత్రల్లో యాక్ట్‌ చేస్తున్నారు. అనిరు«ద్‌ ఈ సినిమా కు మ్యూజిక్‌ డైరెక్టర్‌. జూన్ 22న విజయ్ బర్త్డే. ఈ సందర్బంగా జననాయగన్ వీడియో ను విడుదల చేశారు.

youtu.be/MKUDHKf_pkg

ఇక ‘జనానాయకుడు’ సినిమా తెలుగులో బాలకృష్ణ హీరోగా నటించిన ‘భగవత్‌సింగ్‌ కేసరి’ సినిమాకు తమిళ రీమేక్‌ అని ప్రచారం జరిగింది. ఈ సినిమా రీమేక్‌ రైట్స్‌ను తీసుకున్నారు ‘జన నాయకుడు’ టీమ్‌. కానీ ‘భగవత్‌సింగ్‌ కేసరి’ సినిమాలోని ‘గుడ్‌ టచ్, బ్యాడ్‌ టచ్‌’ ఎసిపోడ్‌ను మాత్రమే…‘జన నాయకుడు’ సినిమా కోసం తీసుకున్నారని, మిగిలిన కథ అంతటిని దర్శకుడు హెచ్‌.వినోద్‌ కొత్తగా రెడీ చేశారనే టాక్‌ కోలీవుడ్‌లో వినిపిస్తోంది. మరి..ఏం చేశారు అనేది సినిమాలో చూడాలి.

Please Share
Leave a Comment

Leave a Reply

Your email address will not be published. Required fields are marked *