Nani : న్యాచురల్ స్టార్ నాని వైవిధ్యమైన కథలతో దూసుకుపోతున్నారు. ప్రస్తుతం ఆయన ప్రాజెక్టుల లైనప్ చూస్తుంటే అభిమానుల్లో భారీ అంచనాలు నెలకొన్నాయి. తాజాగా అందుతున్న సమాచారం ప్రకారం, నాని మరో క్రేజీ దర్శకుడితో చేతులు కలపబోతున్నారు. ప్రస్తుతం నాని, శ్రీకాంత్ ఓదెల దర్శకత్వంలో ‘ది ప్యారడైజ్’ అనే చిత్రంలో నటిస్తున్నారు. దీని తర్వాత సుజీత్ డైరెక్షన్లో ఒక యాక్షన్ థ్రిల్లర్ పట్టాలెక్కనుంది. ఈ లోపే మరో ఆసక్తికరమైన అప్డేట్ వెలుగులోకి వచ్చింది (Nani movie with Venky Atluri ).
‘సార్’, ‘లక్కీ భాస్కర్’ వంటి వైవిధ్యమైన హిట్లతో తన మార్క్ చాటుకున్న దర్శకుడు వెంకీ అట్లూరి, త్వరలోనే నానితో ఒక చిత్రాన్ని తెరకెక్కించబోతున్నట్లు వార్తలు వినిపిస్తున్నాయి. వెంకీ అట్లూరి ప్రస్తుతం కోలీవుడ్ హీరో సూర్యతో ‘విశ్వనాథన్ అండ్ సన్స్’ అనే ప్రాజెక్ట్లో బిజీగా ఉన్నారు. ఈ సినిమా పూర్తయిన వెంటనే నాని ప్రాజెక్ట్ ప్రారంభమయ్యే అవకాశం ఉంది. సాధారణ ప్రేమకథలతో కెరీర్ ప్రారంభించిన వెంకీ, ఇప్పుడు సామాజిక అంశాలు లేదా పీరియడ్ డ్రామాలతో హిట్లు కొడుతున్నారు. నానితో కూడా అదే తరహా వైవిధ్యమైన కథను ప్లాన్ చేస్తున్నట్లు సమాచారం (Telugucinema News).
వెంకీ అట్లూరి గత చిత్రాలు చూసినప్పుడే, ఇలాంటి పవర్ ఫుల్ కథల్లో నాని నటిస్తే బాగుంటుందని నెటిజన్లు అభిప్రాయపడ్డారు. ఇప్పుడు అదే కాంబినేషన్ సెట్ అవ్వడం విశేషం (TeluguNews). వెంకీ అట్లూరి గత కొన్ని చిత్రాలుగా సితార ఎంటర్టైన్మెంట్స్ బ్యానర్తోనే కొనసాగుతున్నారు. నాని సినిమా కూడా ఇదే బ్యానర్లో రూపొందనుందని తెలుస్తోంది. అంతా అనుకున్నట్లు జరిగితే, ఈ ఏడాది చివరిలో ఈ మూవీ సెట్స్ పైకి వెళ్లే అవకాశం ఉంది.(Telugumovies)
