మరో కోలీవుడ్ స్టార్ ను లైన్ లో పెట్టిన పూరీ జగన్నాథ్..?

Director puri Jagannath upcoming movie with koliwood hero : సినిమా ఇండస్ట్రీలో సక్సెస్ ఉన్నంత వరకే క్రేజ్ ఉంటుంది. ముఖ్యంగా వరుసగా రెండు భారీ పరాజయాలు ఎదురైతే, ఎంతటి అగ్ర దర్శకుడికైనా కెరీర్ ప్రశ్నార్థకమే. ‘లైగర్’, ‘డబుల్ ఇస్మార్ట్’ వంటి చిత్రాలు బాక్సాఫీస్ వద్ద ఆశించిన ఫలితాన్ని ఇవ్వకపోవడంతో, పూరి జగన్నాథ్ పని అయిపోయిందని విమర్శకులు పెదవి విరిచారు.

కానీ, అపజయాల నుంచి పాఠాలు నేర్చుకుని రెట్టింపు వేగంతో దూసుకురావడం పూరి మార్క్ స్టైల్. ప్రస్తుతం పూరి జగన్నాథ్ తన తదుపరి చిత్రం ‘స్లమ్ డాగ్’ పనుల్లో బిజీగా ఉన్నారు. విలక్షణ నటుడు విజయ్ సేతుపతి ప్రధాన పాత్రలో నటిస్తున్న ఈ ప్రాజెక్ట్ ప్రస్తుతం టాలీవుడ్‌లో హాట్ టాపిక్. ఈ సినిమా సెట్స్ పై ఉండగానే, పూరి తన ఫ్యూచర్ లైన్అప్‌ను అత్యంత వ్యూహాత్మకంగా సిద్ధం చేసుకుంటున్నారు. ఒక దర్శకుడికి ప్లాపులు వచ్చినా, ఆయన రాసుకునే క్యారెక్టరైజేషన్లు, పవర్ ఫుల్ డైలాగుల మీద హీరోలకు ఉన్న నమ్మకం ఏమాత్రం తగ్గలేదని తాజా పరిణామాలు నిరూపిస్తున్నాయి. ఫిల్మ్ నగర్ సమాచారం ప్రకారం.. కోలీవుడ్ స్టార్ హీరో సూర్య కోసం పూరి ఒక అదిరిపోయే మాస్ స్క్రిప్ట్‌ను సిద్ధం చేశారట.

పూరి మార్క్ మేనరిజమ్స్ అంటే సూర్యకు కూడా ఇష్టం ఉండటంతో, ఈ కాంబినేషన్ దాదాపు ఖరారైనట్లు తెలుస్తోంది. సూర్య వంటి నటుడు పూరి డైరెక్షన్‌లో కనిపిస్తే బాక్సాఫీస్ రికార్డులు తిరగరాయడం ఖాయమని ఫ్యాన్స్ భావిస్తున్నారు. పూరి మ్యాజిక్ ఇక్కడితో ఆగలేదు. సూర్యతో పాటు మరో టాలీవుడ్ అగ్ర హీరోకు కూడా ఆయన కథ వినిపించారని, ఆ ప్రాజెక్ట్ కూడా తుది చర్చల దశలో ఉందని సమాచారం. ఇలా ఒకే సమయంలో ముగ్గురు స్టార్ హీరోలను లైన్లో పెట్టడం పూరి జగన్నాథ్ లాంటి ‘డాషింగ్’ డైరెక్టర్‌కే సాధ్యం. ‘స్లమ్ డాగ్’ విడుదలకు ముందే ఈ రేంజ్ క్రేజ్ సంపాదించడం చూస్తుంటే, ఈసారి పూరి జగన్నాథ్ బాక్సాఫీస్ వద్ద తన పాత గర్జనను మళ్ళీ వినిపించడం ఖాయంగా కనిపిస్తోంది.