From Japan to Hyderabad A Fan Travels for NTR’s Brand : తెలుగు సినిమాల పేరు ఇప్పుడు ప్రపంచం మొత్తం వినిపిస్తోంది. ‘బాహుబలి’, ‘ఆర్ఆర్ఆర్’, ‘పుష్ప’ లాంటి సినిమాలు విదేశాల్లో కూడా మంచి కలెక్షన్లు సాధించాయి. ప్రభాస్, రామ్ చరణ్, అల్లు అర్జున్, ఎన్టీఆర్లకు ప్రపంచవ్యాప్తంగా అభిమానులు ఉన్నారు. ముఖ్యంగా జపాన్లో ఎన్టీఆర్కు చాలా క్రేజ్ ఉంది.
ఎన్టీఆర్ సినిమాలు మాత్రమే కాదు, ఆయన చేసే ప్రకటనలు కూడా విదేశీయులను ఆకర్షిస్తున్నాయి. ఇటీవల ఒక జపాన్ అభిమాని హైదరాబాద్లోని ‘సౌత్ ఇండియా షాపింగ్ మాల్’కు వచ్చి అందరినీ ఆశ్చర్యపరిచాడు. ఎన్టీఆర్ ఆ మాల్కు బ్రాండ్ అంబాసిడర్గా ఉన్నారు. ఆయన చేసిన యాడ్ చూసి ప్రేరణ పొందిన ఆ అభిమాని, ప్రత్యేకంగా షాపింగ్ కోసం అక్కడికి వచ్చాడు.
మాల్లో తనకు నచ్చిన దుస్తులు కొనుగోలు చేసి, “ఎన్టీఆర్ యాడ్ చూసి ఇక్కడికి రావాలనిపించింది. ఇది నాకు చాలా మంచి అనుభవం” అని చెప్పారు. ఎన్టీఆర్ పేరు ఉన్న బ్రాండ్ అంటే నమ్మకం కలుగుతుందని కూడా అన్నారు. ఈ సంఘటన తెలుగు హీరోల ప్రభావం ఎంత పెరిగిందో చూపిస్తోంది. వారి పేరు సినిమాలకే కాకుండా వ్యాపార రంగంలో కూడా ఉపయోగపడుతోంది. ఎన్టీఆర్పై ఉన్న అభిమానంతో ఒక విదేశీ అభిమాని ఇంత దూరం వచ్చి షాపింగ్ చేయడం నిజంగా విశేషమే.
