లవ్‌స్టోరీ మూవీ కపుల్‌ఫ్రెండ్లీ రివ్యూ

సినిమా కఫుల్‌ఫ్రెండ్లీ (Couple Friendly 2026 review)
నటీనటులు – సంతోష్ శోభన్, మానస వారణాసి, రాజీవ్‌కనకాల, యోగిబాబు, గోపరాజు రమణ
రచన, దర్శకత్వం – అశ్విన్ చంద్రశేఖర్
నిర్మాణం – యూవీ కాన్సెప్ట్స్, అజయ్ కుమార్ రాజు. పి.
సమర్పణ – యూవీ క్రియేషన్స్
డీవోపీ – దినేష్ పురుషోత్తమన్
ఎడిటర్ – గణేష్ శివ
మ్యూజిక్ – ఆదిత్య రవీంద్రన్
విడుదల తేదీ: జనవరి 14, 2026
రేటింగ్‌: 2.75/5

కథ

స్టడీస్‌ కంప్లీట్‌ చేసుకున్న తర్వాత శివ (సంతోష్‌శోభన్‌)కు ఉద్యోగం రావడం లేదని, అతని ఇంట్లో వాళ్లు తిడుతుంటారు. మరోవైపు మిత్ర(మానస వారణాసి)కు ఆమె ఇంట్లోవాళ్ళు పెళ్లి సంబంధాలు చూస్తుంటారు. కానీ మిత్రకు మాత్రం సాఫ్ట్‌వేర్‌ జాబ్‌ చేయాలన్నది లక్ష్యం. ఉద్యోగం సంపాదించడం కోసం శివ చెన్నై వస్తాడు. ఐటీ జాబ్‌ కోసం, అలాగే ఉద్యోగం వస్తే పెళ్లిని తప్పించుకోవచ్చని మిత్ర కూడా చెన్నై వస్తుంది. జీవనం సాగడం కోసం శివ బైక్‌ టాక్సీ, కార్‌ టాక్సీలు నడుపుతుంటాడు (couple friendly movie review).

ఓ సిట్చ్యువేషన్‌లో శివకు మిత్ర పరిచయం అవుతుంది. కొన్ని కారణాల వల్ల మిత్ర హస్టల్‌ ఖాళీ చేయాల్సి వస్తుంది. దీంతో సడన్‌గా మిత్రకు షెల్టర్‌ దొరకదు. దీంతో తప్పని పరిస్థితుల్లో శివ రూమ్‌లోనే మిత్ర స్టే చేయాల్సి వస్తుంది. ఈ క్రమంలో ఒకరి కొకరు మెంటల్‌గా, ఫిజికల్‌గా దగ్గరవుతారు. లివ్‌ ఇన్‌ రిలేషన్‌షిప్‌లో ఉన్నట్లుగా లైఫ్‌ను లీడ్‌ చేస్తుంటారు. ఈ క్రమంలో మిత్ర ప్రోత్సాహం వల్ల శివకు ఇంటీరియర్‌ డిజైనర్‌గా ఉద్యోగం దొరుకుతుంది. కానీ మిత్రకు మాత్రం ఐటీ జాబ్‌ దొరకదు. ఓ సిట్చ్యూవేషన్‌లో మిత్రకు ఐటీ జాబ్‌ రాదన్నట్లుగా శివ మాట్లాడతాడు. తన వల్లే శివకు జాబ్‌ వచ్చిందని మిత్ర కూడా అంటుంది. ఇలా శివ, మిత్ర గొడవ పడి విడిపోతారు. మరి..ఆ నెక్ట్స్‌ ఏం జరిగింది? వీళ్ల రిలేషన్‌ వివాహం బంధం వరకు వెళ్లిందా? వీరిద్దరి కుటుంబసభ్యులు ఏం చేశారు? శివ, మిత్రల జీవితాలు ఏమైయ్యాయి? అన్న మిగిలిన అంశాలను థియేటర్స్‌లోనే చూడాలి (Couple Friendly Telugu movie review).

విశ్లేషణ

నేటి జన్‌ జీ జనరేషన్‌ యూత్‌ థాట్స్‌ కోలివింగ్‌, లివ్‌ ఇన్‌ టు గేదర్‌, లివిన్‌ రిలేషన్‌షిప్‌ కాన్సెప్ట్స్‌ను కల్చర్‌ను బాగానే ఫాలో అప్‌ చేస్తున్నారు. ఈ జనరేషన్‌కు తగ్గ కథనే ఎంచుకున్నాడు దర్శకుడు. ఉద్యోగం అనే అబ్బాయి, అమ్మాయి రిలేషన్‌షిప్‌ అంటే…ముందుగా అమ్మాయికి ఉద్యోగం రావడం, దీంతో ఆమె ప్రవర్తనలో మార్పు వచ్చి, ఆ అమ్మాయి ఆ అబ్బాయికి దూరం కావడం వంటి రోటీన్‌ లవ్‌స్టోరీలకు భిన్నంగా ఆలోచించి నప్పుడే దర్శకుడు సగం సక్సెస్‌ అయ్యాడు. ఎగ్జిక్యూషన్‌లో పాస్‌ అయ్యాడు. విభిన్నమైన బ్యాక్‌డ్రాప్ ఉన్న అమ్మాయి, అబ్బాయి లవ్‌స్టోరీని నేటి తరం యువత అభిరుచికి తగ్గట్లుగా చూపించాడు.

హీరో హీరోయిన్ల క్యారెక్టర్స్‌ ఎస్టాబ్లిష్‌మెంట్‌, ఉద్యోగం కోసం హీరో హీరోయిన్లు చెన్నై రావడం, లివింగ్‌ రిలేషన్‌షిప్‌తో సినిమా తొలిభాగం కాస్తం సరదాగా, రొమాంటిక్‌గా సాగుతుంది. వీరి మధ్య గొడవతో ఇంట్రవెల్‌ వస్తుంది. ఇక వీరిద్దరి కుటుంబ సభ్యులు చెన్నైకి రావడం, మిత్రకు ఉద్యోగం రాకపోవడంతో, ఆమె ఇంట్లో వాళ్లు ఆమెకు పెళ్లి సంబంధాలు చూసే ప్రక్రియను వేగవంతం చేయడం..వంటి సీన్స్‌తో సెకండాఫ్‌ కొనసాగి, ఓ ఎమోషనల్‌ క్లైమాక్స్‌తో సినిమా ముగుస్తుంది. తెలుగు ఆడియన్స్‌కు కాస్త సర్‌ఫ్రైజింగ్‌గానే అనిపిస్తుంది.

ఈ సినిమాకు తమిళ దర్శకుడు అశ్విన్‌ డైరెక్ట్‌ చేశాడు. చెన్నై లోకేషన్స్‌లోనే షూట్‌ చేశారు. తెలుగు వాళ్ల ప్రేమకథ చెన్నైలో జరుగుతుంది. ఈ సినిమా నిడివి రెండు గంటలు మాత్రమే. కానీ నాలుగైదు సాగదీత సన్నివేశాలు ఉన్నాయి. కొన్నిచోట్ల రొమాంటిక్‌ డోస్‌ కాస్త బోర్డర్‌ దాటినట్లుగా ఫ్యామిలీ ఆడియన్స్‌కు అనిపించవచ్చు. మొత్తంగా నేటి యువతకు ఈ ‘కపుల్‌ ఫ్రెండ్లీ’ నచ్చుతుంది. అయితే క్లైమాక్స్‌ను తెలుగు ఆడియన్స్‌ ఎలా తీసుకుంటారనేది చూడాలి.

నటీనటులు-సాంకేతిక విభాగం

శివ పాత్రలో సంతోష్‌శోభన్‌ (Couple Friendly Hero santhosh) మెప్పించాడు. యాక్టర్‌గా మెరుగైయ్యాడు. ఎమోషనల్‌ సీన్స్‌లో అతని నటన బాగుంది. ఈ సినిమా యాక్టర్‌గా సంతోష్‌ కెరీర్‌కు బాగా ఉపయోగ పడుతుంది. ఇక మానస వారణాసి (Couple friendly heroine manasa) పోషించిన మిత్ర పాత్ర కూడా తక్కువేం కాదు. ఈ సినిమాలో ఆమె స్ట్రాంగ్‌ రోల్‌ చేశారు. క్యూట్‌గా కనిపిస్తూనే, ఎమోషనల్‌ సీన్స్‌లో అదరగొట్టారు. హీరోయిన్‌ తండ్రి పాత్రలో రాజీవ్‌ కనకాల తనదైన మార్క్‌ యాక్టింగ్‌తో మరోసారి సూపర్‌ అనిపించుకున్నారు. అంతే దీటుగా హీరో ఫాదర్‌ పాత్రలో గోపరాజు రమణ యాక్ట్‌ చేశారు. హీరోయిన్‌ ఫ్రెండ్‌గా యోగిబాబు కనిపించారు. కామెడీ బాధ్యతను తీసుకున్నట్లుగా కనిపించారు. లివింగ్‌స్టన్‌, శ్రీరంజని వంటివారు వారి వారి పాత్రల మేరకు యాక్ట్‌ చేశారు (Couple Friendly cast and crew Review).

చాలామంది యువత జీవితాల్లోని నిరుద్యోగం కాన్సెప్ట్‌కు లవ్‌ యాంగిల్‌ని మేళవించి, దర్శకుడు బాగానే మంచి కథ రాసుకున్నాడు. మంచి స్క్రీన్‌ ప్లే రాసుకున్నాడు. అలాగే తల్లిదండ్రుల ప్రెజర్స్‌, యువతీయువకుల కష్టాలు..వంటి అంశాలను టచ్‌ చేసి, ఓ రోటీన్‌ సందేశం ఇచ్చాడు. కానీ ఇందులో సక్సెస్‌ అయ్యాడు. విజువల్స్‌, మ్యూజిక్‌ బాగున్నాయి. చెన్నైలోని రియల్‌ లొకేషన్స్‌లో గొరిల్లా షూట్‌ చేయడం బాగుంది. ఇది ఈ సినిమాకు రియాలిటీ ఫీల్‌ని తెచ్చిపెట్టింది. సినిమా నిడివి రెండు గంటలే. సో..ఎడిటింగ్‌ ఉన్నంతలో చేశారు. నిర్మాణ విలువలు నటీనటుల రేంజ్‌కు తగ్గట్లుగా ఉన్నాయి.

ఓ చక్కని ఎమోషనల్‌ లవ్‌స్టోరీని చూడాలనుకునే వారికి కపుల్‌ఫ్రెండ్లీ మూవీ ఓ మంచి ఛాయిస్‌ ఈ వాలెంటైన్స్‌ డేకి. అలాగే చిన్నపాటి సందేశం కూడా ఉంది (తీసుకుంటే..). కానీ ఈ సినిమాలోని కొన్ని రొమాంటిక్‌ సీన్స్‌ అయితే ఉన్నాయి. మరి…ఓవర్‌ ది బోర్డ్‌ లేకపోయినా, ఫ్యామిలీ ఆడియన్స్‌ ఇబ్బంది పడతారెమో.