టాలీవుడ్‌ యంగ్‌ సెన్సేషన్‌ విశ్వక్‌సేన్‌ (ViswakSen Cult Movie) యాక్టర్‌గా రీసెంట్‌ టైమ్స్‌లో తడబడ్డారు. విశ్వక్‌ హీరోగా చేసిన ‘గ్యాంగ్స్‌ ఆఫ్‌ గోదావరి, మెకానిక్‌ రాఖీ, లైలా’ సినిమాలు ఫ్లాప్‌ మూవీగా నిలిచాయి. ముఖ్యంగా ‘లైలా’ సినిమా విశ్వక్‌సేన్‌ కెరీర్‌ను బాగా దెబ్బతీసింది. ఇక లాభం లేదను కున్నాడెమో…కానీ దర్శకుడిగా విశ్వక్‌సేన్‌యే రంగంలోకి దిగాడు.
గతంలో విశ్వక్‌సేన్‌ హీరోగా యాక్ట్‌ చేసి, డైరెక్ట్‌ చేసిన ‘ఫలక్‌నుమాదాస్‌’ మూవీ హిట్‌ మూవీగా నిలిచింది. ఆ తర్వాత మళ్లీ విశ్వక్‌సేన్‌ డైరెక్టర్‌గా మరో ‘దాస్‌ కా దమ్మీ’ ఫర్వాలేదనిపించింది. దీంతో దర్శకుడిగా తన అదృష్టాన్ని మరోసారి పరీక్షించుకునేందుకు విశ్వక్‌సేన్‌ రెడీ అయ్యాడు.
విశ్వక్‌సేన్‌ హీరో కమ్‌ డైరెక్టర్‌గా కల్ట్‌ అనే మూవీ ప్రారంభోత్సవం జరిగింది. వాస్తవ సంఘటనల ఆధారంగా ఈ సినిమాను నిర్మించనున్నారు. ఈ సినిమాకు రచన, నిర్మాత, దర్శకత్వం విశ్వక్‌సేన్‌యే కావడం విశేషం.అంతకంటే ముఖ్యమైన మరో విశేషం..ఏంటంటే…ఈ కల్ట్‌ మూవీతో దాదాపు 40మంది నూతననటీనటులు తెలుగు ఇండస్ట్రీకి రాబోతున్నారు. కరాటే రాజు, సందీప్‌ కాకర్ల అదనపు నిర్మాతలుగా ఈ కల్ట్‌ మూవీ షూటింగ్‌ ఆదివారమే ప్రారంభమైంది.
కల్ట్‌ సినిమా (#Cult Movie Shooting)ను తెలుగు, హిందీ భాషలతో పాటుగా…స్పానిష్, ఇంగ్లీష్, జపనీస్ భాషలో కూడా రిలీజ్‌ చేస్తామని మేకర్స్‌ చెబుతున్నారు. పెద్ద పెద్ద స్టార్‌ హీరోల సినిమాలే విదేశీ భాషల్లో రిలీజ్‌ కావడం లేదు. అలాంటిది… కల్ట్‌ సినిమా స్పానిష్, జపనీస్, ఇంగ్లీష్ భాషల్లో రిలీజ్‌ చేస్తామని విశ్వక్‌సేన్‌ చెబుతున్నారు. ఇది జరిగే పనేనా.. లెట్స్‌ వెయిట్‌ అండ్‌ సీ.న్యూ ఏజ్‌ పార్టీ థ్రిల్లర్‌ మూవీ. కల్ట్‌ సినిమాకు తరుణ్‌భాస్కర్‌ డైలాగ్స్‌ అందిస్తుండటం విశేషం.
ఇంకా విశ్వక్‌సేన్‌ హీరోగా ‘ఫంకీ’ అనే మూవీ తెరకెక్కనుంది. ‘జాతిరత్నాలు’ ఫేమ్‌ కేవీ అనుదీప్‌ ఈ సినిమాకు దర్శకుడు. ఆల్రెడీ షూటింగ్‌ మొదలైంది. ఈ ఏడాదే ఈ మూవీ రిలీజ్‌ కావొచ్చు. అలాగే విశ్వక్‌ పోలీసాఫీసర్‌గా ఓ మూవీ మొదలైంది. కానీ..బందూక్‌ అనే టైటిల్‌ కూడా అనుకున్నారు…కానీ ఈ మూవీ క్యాన్సిల్‌ అయ్యిందనే టాక్‌ ప్రచారంలోకి వచ్చింది.
