స్పిరిట్ లో డాన్ లీ.. ఫ్యాన్స్ కి పండగే..!

Don Lee in Prabhas spirit movie : రెబల్ స్టార్ ప్రభాస్, సందీప్ రెడ్డి వంగా కలయికలో రాబోతున్న ‘స్పిరిట్’ చిత్రం గురించి వినిపిస్తున్న వార్తలు సోషల్ మీడియాలో ప్రకంపనలు సృష్టిస్తున్నాయి. ఈ భారీ యాక్షన్ డ్రామాలో తారాగణం విషయంలో వస్తున్న లీకులు సినిమాపై అంచనాలను అంతర్జాతీయ స్థాయికి తీసుకెళ్తున్నాయి. ఈ సినిమాలో ఒక పవర్‌ఫుల్ క్యామియో రోల్ కోసం అంతర్జాతీయ నటుడు, కొరియన్ స్టార్ డాన్ లీని చిత్ర యూనిట్ సంప్రదించినట్లు ప్రచారం జరుగుతోంది.

సందీప్ వంగా మార్కు రఫ్ అండ్ టఫ్ క్యారెక్టరైజేషన్స్‌కు డాన్ లీ బాడీ లాంగ్వేజ్ సరిగ్గా సరిపోతుందని విశ్లేషకులు భావిస్తున్నారు. ఒకవేళ ప్రభాస్ – డాన్ లీ ఒకే ఫ్రేమ్‌లో కనిపిస్తే, అది వెండితెరపై ఒక విజువల్ ఫీస్ట్‌గా మారుతుందనడంలో సందేహం లేదు. డాన్ లీ ఈ ప్రాజెక్టుకు గ్రీన్ సిగ్నల్ ఇస్తే, ఈ విషయంలో మార్చి 1వ తేదీన ఒక చిన్న హింట్ లేదా అధికారిక సమాచారం వచ్చే అవకాశముందని ఫిల్మ్ నగర్ టాక్. సినిమాలో ప్రభాస్‌ను ఢీకొట్టే ప్రధాన విలన్ పాత్రలో బాలీవుడ్ నటుడు వివేక్ ఓబెరాయ్ నటించనున్నట్లు తెలుస్తోంది.

‘యానిమల్’లో నెగటివ్ పాత్రలను సందీప్ చూపించిన విధానం చూశాక, ఇప్పుడు ప్రభాస్ వర్సెస్ వివేక్ పోరు ఎలా ఉండబోతుందోనని అభిమానులు ఆసక్తిగా ఎదురుచూస్తున్నారు. సందీప్ రెడ్డి వంగా తన సినిమాల్లో హీరోలను ఎంత పవర్‌ఫుల్‌గా చూపిస్తారో, విలన్లను కూడా అంతే ప్రభావవంతంగా తీర్చిదిద్దుతారు. ప్రభాస్ ఒక సిన్సియర్ పోలీస్ ఆఫీసర్‌గా కనిపిస్తారని సమాచారం ఉన్న నేపథ్యంలో, ఈ అంతర్జాతీయ స్థాయి క్యాస్టింగ్ వార్తలు సినిమా స్థాయిని ఎక్కడికో తీసుకెళ్తున్నాయి. త్వరలోనే వీటన్నింటిపై చిత్ర బృందం స్పష్టత ఇచ్చే అవకాశం ఉంది.