Madhavan GDN: ఎడిసన్‌ ఆఫ్‌ ఇండియాగా పేరుగాంచిన జీడీ నాయుడు బయోపిక్‌ జీడీఎన్‌ (GDN)లో యాక్ట్‌ చేయనున్నారు మాధవన్ (Madhavan GDN). ఈ మేరకు మంగళవారం అధికారిక ప్రకటన వెల్లడైంది. జీడీ నాయుడు బయోపిక్‌కు జీడీఎన్‌ అనే టైటిల్‌ పెట్టారు. ఈ సినిమాలో జీడీ నాయుడు పాత్రలో మాధవన్ నటిస్తారు. ఇతర కీలకమైన పాత్రల్లో ప్రియ మణి, జయరాం, యోగిబాబు కనిపిస్తారు. కృష్ణకుమార్‌ రామకుమార్‌ జీడీ నాయుడు బయోపిక్‌కు దర్శకత్వం వహిస్తున్నారు. గోవింద్‌ వసంత్‌ ఈ బయోపిక్‌కు సంగీతం వహిస్తారు. ఆల్రెడీ ఈ సినిమా చిత్రీ కరణ ఇటీవల విదేశాల్లో ప్రారంభమైంది. ఇప్పుడు ఇండియాలో ప్రారంభమైంది. వర్గీస్‌ మూలన్, విజయ్‌ మూలన్, సరిత మాధవన్, ఆర్‌. మాధ వన్‌లు ఈ సినిమాను నిర్మిస్తున్నారు. 2026లో ఈ మూవీ రిలీజ్‌ కావొచ్చు. ఇండియాలో తొలి మోటార్‌ వెహికల్‌ను ఆవిష్కరించిన గొప్ప వ్యక్తి, ఇంజినీర్‌గా జీడీ నాయుడు గుర్తింపు సంపాదించారు. సైన్స్‌ అండ్‌ టెక్నాలజీలో ఆయనకు అపారమైన జ్ఞానం ఉంది.
ఇక బయోపిక్‌లో నటించడం అనేది మాధవన్‌కు కొత్త ఏమీ కాదు. ఇస్రో మాజీ శాస్త్రవేత్త నంబినారాయణన్‌ బయోపిక్‌ ‘రాకెట్రీ: ది నంబిఎఫెక్ట్‌’ మూవీలో మాధవన్ యాక్ట్‌ చేశారు. నంబినారాయణన్‌గా మాధవన్ అంద్భుతంగా యాక్ట్‌ చేశాడు. ‘రాకెట్రీ: ది నంబిఎఫెక్ట్‌’కు జాతీయ అవార్డు కూడా వచ్చింది. అంతేకాదు.. ‘రాకెట్రీ: ది నంబిఎఫెక్ట్‌’ కోసం మాధవన్ తొలిసారిగా దర్శకత్వం వహించారు.
