తెలుగు ప్రేక్షకులు హారర్ చిత్రాలంటే మక్కువ ఎక్కువ. అందుకే మంచి కంటెంట్ ఉన్న హారర్ థ్రిల్లర్ సినిమాలకు ఎప్పుడూ తెలుగు ప్రేక్షకులు ఆదరణ ఉంటూనే ఉంటుంది. ఈ కోవ తెలుగు ప్రేక్షకుల ముందుకు వచ్చిన తాజా సినిమా ‘అమరావతికి ఆహ్వానం’. ఈ సినిమా ఈ నెల 13వ తారీఖున ప్రేక్షకుల ముందుకు వచ్చింది. మరి..ఈ సినిమా తెలుగు ప్రేక్షకులను ఎంతగా మెప్పి ంచింది? కథ–కథనాలు ఎంత కొత్తగా ఉన్నాయి? అన్న ఆసక్తికరమైన అంశాలను గురించి తెలు సుకునేందుకు ఈ సినిమా రివ్యూలో చదివేయండి…
సినిమా : అమరావతికి ఆహ్వానం (Amaravathiki Ahwanam Review)
నటీనటులు శివ కంఠమనేని, ఎస్తేర్, ధన్య బాలకృష్ణ, సుప్రిత, అశోక్ కుమార్, హరీష్, భద్రమ్, జెమినీ సురేష్ , నాగేంద్ర ప్రసాద్
కథ, స్క్రీన్ ప్లే, మాటలు, దర్శకత్వం: జీవీకే
నిర్మాణ సారథ్యం: ముప్పా వెంకయ్య చౌదరి
సమర్పణ: జి. రాంబాబు యాదవ్
బేనర్: లైట్ హౌస్ సినీ మ్యాజిక్
నిర్మాతలు: కెఎస్ శంకర్రావు, ఆర్ వెంకటేశ్వరరావు
మ్యూజిక్: పద్మనాబ్ భరద్వాజ్
ఎడిటింగ్: సాయిబాబు తలారి
ఎగ్జిక్యూటివ్ ప్రొడ్యూసర్స్: వై. అనిల్ కుమార్, కె. శ్రీనివాస్రావు
డిఓపి: జె ప్రభాకర్ రెడ్డి
విడుదల తేదీ: 13-02-2026
రేటింగ్ : 3/5 (Amaravathiki Ahwanam Review And Rating)
కథ
ఈశ్వర్ (శివ కంఠమనేని) సస్పెండెడ్ ఎస్ఐ. అతని భార్య భానుమతి (ధన్య బాలకృష్ణ). ఈ ఇద్దరు దంపతులు. భానుమతి సిస్టర్స్ భార్గవి (సుప్రి త), విజ్జు. భార్గవికి సెలబ్రిటీ కావాలని ఆకాంక్ష. ఇందుకోసం ఓ యూట్యూబ్ చానెల్ను రన్ చేస్తుంటుంది. ఈ యూట్యూబ్ చానెల్లో దెయ్యంతో డే అండ్ నైట్ అనే కాన్సెప్ట్తో వీడియోలు షూట్ చేసి, అప్లోడ్ చేస్తుంటుంది. దె య్యంతో డే అండ్ నైట్ కాన్సెప్ట్తో పాతబస్తీలోని ఓ పాత భవంతిలో భార్గవి చేసిన వీడియో వైరల్ అయ్యి, భార్గవి సెలబ్రిటీ హోదాను అందుకుంటుంది. అయితే సడన్గా భార్గవికి ఓ అజ్ఞాతవ్యక్తి నుంచి ఫోన్ కాల్ వస్తుంది. దెయ్యాలు ఉన్నాయని లైవ్లో నిరూపిస్తానని, ఈ వీడియో షూట్ చేస్తే ఇంకా ఫేమస్ కావొచ్చని భార్గవికి ఆ అజ్ఞాతవ్యక్తి చెప్తాడు. దీంతో ఎగై్జట్ అయిన భార్గవి అమరావతి అనే గ్రామానికి, కుటుంబంతో సహా వెళ్తుంది. మరి…అమరావతి లో ఈశ్వర్ ఫ్యామిలీ మెంబర్స్కి ఎదురైన వింత సంఘటనలు ఏమిటి? అమరావతిలోని జమీం దారు వంశ వారసురాలు రాజేశ్వరి (ఎస్తేర్)ను చంపింది ఎవరు? రాజేశ్వరి కుటుం బానికి, ఈశ్వర్ కుటుంబానికి మధ్య ఉన్న లింక్ ఏమిటి? ఎస్ఐగా ఈశ్వర్ సస్సెండ్ కావడానికి కారణం ఎవరు? అన్న ఆసక్తికరమైన, థ్రిల్లింగ్ విషయాలను థియేటర్స్లోనే చూడాలి (Amaravathiki Ahwanam Review).
విశ్లేషణ
దెయ్యాలు ఉన్నాయా? లేవా? అన్న కాన్సెప్ట్తో చాలా సినిమాలొచ్చాయి. మెజారిటీ హారర్ సినిమాల్లో దెయ్యాలు, క్షుద్రపూజలు..వంటి అంశాలనే ప్రధాన కథాంశంగా ఉంటాయి. ఈ ‘అమరావతికి వస్తున్నాం’ సినిమాలో ఈ అంశాలు ఉంటూనే, ఫ్యామిలీ ఎమోషన్స్, చిన్నపాటి సందేశాన్ని దర్శకుడు మేళవించిన తీరు ఆడియన్స్ను మెప్పిస్తుంది. టైటిల్లో అమరావతి ఉంది కనుక, ఇది ఒక పొలిటికల్ మూవీ కాదని మేకర్స్ ముందునుంచి చెబుతూనే ఉన్నారు. మేకర్స్ చెప్పినట్లుగానే ఈ చిత్రంలో ఏ మాత్రం రాజకీయపరమైన అంశాలు లేనే లేవు (Amaravathiki Ahwanam Review).
అమరావతిలో రాత్రివేళ జరిగే ఓ హారర్ సీన్తో కథ ప్రారంభం అవుతుంది. ఆ తర్వాత కథ హైదరాబాద్కు షిఫ్ట్ అవుతుంది. భార్గవి వీడియో షూట్ చేయడం, మహేశ్తో ప్రేమ, ఈశ్వర్ అండ్ ఫ్యామిలీ అమరావతికి వెళ్లి, అక్కడ రాజేశ్వరిని గురించిన నిజం తెలుసుకోవడంతో తొలి భాగం ముగుస్తుంది. ప్రీ ఇంట్రెవల్ ట్విస్ట్ ఫర్వాలేదనిపిస్తుంది. రాజేశ్వరి క్యారెక్టర్ ఎస్టాబ్లిష్ మెంట్, ఆమె ప్లాష్బ్యాక్ ఎపిసోడ్తో కథనం ఆసక్తికరంగా ముందుకు సాగుతుంది. ప్రీ క్లైమా క్స్లో ట్విస్ట్ కొంతమంది ఆడియన్స్ను థ్రిల్ చేస్తుంది. హారర్ ఎలిమెంట్స్ మెప్పిస్తాయి.
సినిమాలోని కొన్ని సీన్స్ కాస్త సాగదీతగా అనిపించడం, కొన్నిచోట్ల ప్రేక్షకులు ఊహించిన సన్ని వేశాలే తెరపై ప్రదర్శితం అవుతుండటం చిన్నపాటిమైనస్లుగా చెప్పవచ్చు. అలాగే గొయ్యిలోనుంచి ఈశ్వర్ బయటకు వచ్చే విధానం కాస్త రియాలిటీకి దూరంగా ఉంది. ఇలాంటి హారర్– థ్రిల్ సినిమాలో సాంగ్స్ ఉంటే కథకు స్పీడ్బ్రేకర్స్లా అనిపిస్తాయి. అందు కెనెమో..ఒకే ఒక సాంగ్తో సరిపెట్టి, కథ పట్ల ఆడియన్స్ను ఎంగేజ్ చేసే ప్రయత్నం చేశారు దర్శకుడు జీవీకే. క్లైమాక్స్ కథకు తగ్గట్లుగా కుదిరింది.
నటీనటులు–సాంకేతిక విభాగం
ఈశ్వర్ పాత్రలో శివ కంఠమనేని నటన బాగుంది. మంచి డ్యూయల్ రోల్ చేశారు (ఈశ్వర్, జగదీస్). యాక్షన్ సీన్స్లోనూ తనదైన ఈజ్ చూపించారు. జగదీష్గా విలన్ మార్క్ యాక్టింగ్ చూపించారు. ఈ సినిమాకు మరోమెయిన్ పిల్లర్ ఏస్తేర్. ఆమె రాజేశ్వరి పాత్రలో యాక్టింగ్ సూపర్గా చేశారు. ప్లాష్బ్యాక్సీన్స్లో మంచి సెటిల్డ్ పెర్ఫార్మెన్స్ ఇచ్చారు. భానుమతి పాత్రలో ధన్యబాలకృష్ణ నటన బాగుంది. సినిమా త్రూ అవుట్ ఈ రోల్ కొనసాగుతుంది. హారర్ సీన్స్ లోనూ ధన్య మెప్పించారు. భార్గవి పాత్రలో సుప్రిత, మహేశ్ పాత్రలో హరీష్, డాక్టర్ అమ్మి రాజు పాత్రలో జెమినీ సురేష్, లాయర్ కామేషంగా భద్రమ్, జమీందారు రాజుగా అశోక్ కుమార్, కాలగా నాగేంద్రలు వారి వారి పాత్రల పరిధి మేరకు నటించారు.
హారర్, ఫ్యామిలీ ఎమోషన్స్, రివెంజ్, థ్రిల్…అంశాలను కథలో కరెక్ట్గా మిళితం చేయడంలో దర్శకుడు జీవీకే సక్సెస్ అయ్యారు. ముఖ్యంగా ప్రీ క్లైమాక్స్ ఆడియన్స్ను థ్రిల్ చేస్తుంది. కెమెరా వర్క్ బాగుంది. పద్మనాభ్ భరద్వాజ్ మ్యూజిక్ బాగుంది. ఆర్ఆర్ సౌండ్ చేసింది. హారర్ సీన్స్ లో బాగుంది. నిర్మాణ విలువలు బాగున్నాయి. ఎడిటింగ్ ఒకే.
