‘శ్రీచిదంబరంగారు’ సినిమా రివ్యూ

సినిమా: శ్రీచిదంబరంగారు (Sri Chidambaram Garu Cinema Review)
తారాగణం : వంశీ తుమ్మల, సంధ్యా వశిష్ట, గోపీనాథ్, శివకుమార్ మట్ట, కల్పలత గార్లపాటి, అరుణ్ కుమార్, తులసి, నాయుడు మోరం, శంకర్ రావు  (Sri Chidambaram Garu Movie Cast and crew)
రచన & దర్శకత్వం : వినయ్ రత్నం (Sri Chidambaram Garu Movie Director name)
నిర్మాతలు : చింతా వినీషా రెడ్డి, చింతా గోపాల కృష్ణ రెడ్డి
సహ నిర్మాత: చింతా రాజశేఖర్ రెడ్డి
కెమెరా : అక్షయ్ రామ్ పొడిశెట్టి
ఎడిటర్ : అన్వర్ అలీ
సంగీత దర్శకుడు : చందు రవి

నిడివి 2 గంటల 13 నిమిషాలు
విడుదల తేదీ 06-02-2026 (Sri Chidambaram Garu Release date)
రేటింగ్‌ 2.75/5 (Sri Chidambaram Garu Rating)

కథ

ఆంధ్రప్రదేశ్‌లోని మారేడుమిల్లిఫారెస్ట్స్‌ పరిసరప్రాంతాల్లోని పుల్లంగి అనే మారుమూల గ్రామం లో సాల్మన్‌ తాపీ పని చేస్తూ, జీవనం సాగిస్తుంటాడు. సాల్మన్‌ (వంశీ తుమ్మల). తండ్రి చిన్నప్పుడే ఆత్మహత్య చేసుకుంటాడు. దీంతో తల్లి (కల్పలత)తో కలిసి లైఫ్‌ లీడ్‌ చేస్తుంటాడు. అయితే సా ల్మాన్‌కు మెల్లకన్ను. దీంతో అందరు తనను ‘చిదంబరం’ అంటూ పిలుస్తూనే ఉంటారు. ఇలా ఊర్లోని వారందరూ తనను ఎగతాళి చేస్తున్నారని, తనలో తాను కుమిలిపోతుంటాడు సాల్మాన్‌. దీంతో కళ్లకు కళ్ళ జోడు పెట్టుకుని, తన మెల్లకన్ను లోపాన్ని కవర్‌ చేస్తుంటాడు. సాల్మాన్‌ను ఇదే ఊర్లో ఉంటున్న లీలా (సంధ్య వశిష్ట) ఇష్టపడుతుంది  (Sri Chidambaram Garu Review)

తన మేస్త్రీ చెప్పిన ప్రకారం లీలా ఇంట్లో సాల్మాన్‌ బాత్‌రూమ్‌ కట్టాల్సి వస్తుంది. ఇలా లీలా ఇంటికి వెళ్తాడు సాల్మాన్‌. వీరి పరిచయం బలపడు తుంది. ఒకరికొకరు ఇష్టపడుతుంటారు కానీ పైకి చెప్పుకోరు. లీలాకు పెళ్లి సంబంధాలు వస్తున్నాయని తెలిసి, ఓ రోజు సాల్మాన్‌ లీలాకు ప్రపోజ్‌ చేస్తాడు. నీ కళ్లకు ఉన్న కళ్లద్దాలు తీసేసి, నిజమైన నిన్ను నీలా నువ్వు యాక్సెప్ట్‌ చేసు కున్న రోజే తనను ప్రేమిస్తానని లీలా చెబుతుంది. కానీ లీలా మాటలను సాల్మాన్‌ అపార్థం చేసుకుంటాడు. తనపై లీలాకు ఉన్నది ప్రేమ కాదని, జాలి మాత్రమే అని సాల్మాన్‌ ఊహించు కుంటాడు. మరి.. సాల్మాన్‌–లీలల ప్రేమకథ ఏమైంది? సాల్మాన్‌ తన లోపాన్ని తాను స్వీకరించి, ఎలా లైఫ్‌లో ముందుకు వెళ్లాడు? సాల్మాన్‌ను నిజంగా మోసం చేసిం ది ఎవరు? సాల్మాన్‌ తండ్రి ఆత్మహత్యకు లీలా కుటుంబానికి ఉన్న సంబంధం ఏమిటి? అనేది సినిమాలో చూడాలి (Sri Chidambaram Garu Cinema Review)

విశ్లేషణ

ప్రతి మనిషికి ఏదో ఒక లోపం ఉంటుంది. మనలో ఏదైనా లోపం ఉన్నప్పుడు ఈ లోపాన్ని ధైర్యంగా స్వీకరించి, జీవితంలో నిర్భయంగా ముందుకు వెళ్లాలని చెప్పే సినిమాయే ‘శ్రీ చిదం బరంగారు’. సాల్మాన్‌ క్యారెక్టరైజేషన్‌తో ఆడియన్స్‌కు మంచి సందేశాత్మక చిత్రాన్నే అందించారు యువ దర్శకుడు వినయ్‌ రత్నం.

తొలిభాగం ఫ్యూర్‌లవ్‌స్టోరీతో సాగుతుంది. సాల్మాన్, లీలా ఒకరినొకరు ఇష్టపడటం, లీలాకు సాల్మాన్‌ ప్రపోజ్‌ చేయడం, లీలా మాటలను సరిగా అర్థం చేసుకోలేక, లీలా తనన్ను రిజెక్ట్‌ చేసిందని సాల్మాన్‌ అనుకోవడంతో తొలిభాగం ముగుస్తుంది. తనలోపాన్ని సరిచేసుకోవడం కోసం ఓ దొంగ పాస్టర్‌ చేతిలో సాల్మాన్‌ మోసపోవడం, తన ఫ్రెండ్‌ జీవితాన్ని చూసి సాల్మాన్‌ తనను తాను మార్చుకోవడంతో ఓ హ్యాపీ ఎండింగ్‌తో సినిమా ముగుస్తుంది.

ఈ సినిమాకు కాస్త మలయాళం ఫ్లేవర్‌ కనిపిస్తుంటుంది. విజువల్స్, కథనం కాస్త స్లోగా సాగుతుండటం వంటివి ఉన్నాయి. ఓ చిన్న బాత్‌ రూమ్‌ కట్టేందుకు హీరోయిన్‌ ఇంటికి హీరో రోజూ వస్తుండటం, దొంగపాస్టర్‌ చేతిలో హీరో మోసపోవడం, తండ్రిలా ఆత్మహత్య చేసుకోనని తల్లికి చెప్పి, ఆత్మహత్య ప్రయత్నం చేయడం…వంటివి కన్విన్సింగ్‌గా లేవు. ఆత్మహత్య చేసుకునే సమయంలో హీరో ఎక్కడో గోదా వరిలో దూకుతాడు. అప్పుడు అక్కడ ఎవరూ ఉండరు. కానీ దూకిన వెంటనే, అతన్ని కాపడేందకు కొంతమంది జనం అక్కడ సడన్‌గా కనిపిస్తారు. కథలో కీలకమైన సురేష్, పోచమ్మ పాత్రలు సెకండాఫ్‌లో సడన్‌గా మాయం అవుతాయి. ఇలా కొన్ని మైనస్‌లు ఉన్నాయి. సెకండాఫ్‌ను ఇంకాస్త మెరుగ్గా డీల్‌ చేసి ఉండా ల్సింది. కానీ దర్శకుడిగా తొలి ప్రయత్నంలోనే వినయ్‌ రత్నం మంచి మార్కులు దక్కించుకున్నాడు.

నటీనటుల పెర్ఫార్మెన్స్‌

సాల్మాన్‌ పాత్రలో నటుడిగా వంశీ తుమ్ముల (Sri Chidambaram Garu Hero Vamsi) మంచి ప్రతిభ చూపాడు. లవ్‌ సీన్స్‌లో ఒకే అనిపించినా, ఎమోషనల్‌ సీన్స్‌లో మంచి యాక్టింగ్‌ చూపించాడు. యూత్‌క్రిస్మస్‌ సీన్‌లో ఎమోషనల్‌గా యాక్ట్‌ చేశాడు. ఇక హీరోకు ఏ మాత్రం తీసిపోని లీలా పాత్రలో సంధ్యా వశిష్ట (Sri Chidambaram Garu Movie Heroine Sandya) అదరగొట్టింది. కొన్ని సీన్స్‌ అయితే హీరోనే డామినేట్‌ చేసే పాత్ర ఇది. కానీ సెకండాఫ్‌లో లీలా రోల్‌ను కాస్త సైలెంట్‌ చేశారు. హీరో తల్లి పాత్రలో కల్పలతా యాక్టింగ్‌ ఫర్వాలేదు. రీసెంట్‌గా ఆమె ఈ తరహా పాత్రలను కాస్త ఎక్కువగానే చేస్తున్నట్లున్నారు. సురేష్‌గా గోపీ, హీరో స్నేహి తుడిగా అరుణ్, లీలా తల్లి పోచమ్మగా తులసీ వారి వారి పాత్రల మేరకు యాక్ట్‌ చేశారు. ఈ సినిమాకు సంగీతం మంచి ఫ్లస్‌ పాయింట్‌. రవి చందు సంగీతం మ్యూజిక్‌ బాగున్నాయి. అన్వర్‌ ఎడిటింగ్‌ ఒకే. విజువల్స్‌ చాలా చక్కగా ఉన్నాయి. ఈ సినిమాకు తగ్గట్లుగా నిర్మాణ విలువలు పర్వాలేదన్నట్లుగా ఉన్నాయి.

భూమిక యుఫోరియా రివ్యూ

ఫైనల్‌గా..: ‘నీ లోపమే నీ అందం, తెగింపే విజయం..తెలుసుకో నిన్ను నువ్వు మలచుకో..’, ‘అవిటితనం అనేది మనషికే కానీ మనసుకు కాదు’…’మనల్ని మనం ప్రేమించుకోవడమే నిజమైన ప్రేమ’…సింపుల్‌గా ఈ సినిమా గురించి ఈ మూడు వాక్యాల్లో చెప్పవచ్చు. సరదాగా హ్యాపీగా ఈసినిమా చూడొచ్చు. మంచి ఫీల్‌గుడ్‌ ఎమోషనల్‌ లవ్‌ అండ్‌ మేసేజ్‌ ఓరియంటెడ్‌ మూవీగా ‘శ్రీచిదంబరంగారు’ సినిమా ఆడియన్స్‌ను అలరిస్తుంది. కానీ కాస్త స్లోగా ఎంటర్‌టైన్‌ చేస్తుంది. (శ్రీచిదంబరంగారు రివ్యూ)