‘మసూద, దిగ్రేట్ ప్రీ వెడ్డింగ్ షో’వంటి సినిమాలతో తిరువీర్ తెలుగు ఆడియన్స్లో యాక్టర్గా తిరువీర్ మంచిపేరు సంపాదించుకున్నాడు. మరి..ఈ కుర్ర హీరో చేసిన పాపం ప్రతాప్ సినిమా, ఈ శుక్రవారం రిలీజైంది (Papam Prathap Review). మరి..ఈ మూవీ ఎలా ఉందో ఓ సారి లుక్ వేయండి.
సినిమా పాపం ప్రతాప్ (Papam Prathap Review)
నటీనటులు తిరువీర్ , పాయల్ రాధకృష్ణ, రాశీ, అజయ్ ఘోష్, ప్రసాద్ బెహరా, దేవి ప్రసాద్, రవి ఆంటోనీ
దర్శకుడు ఎస్సీ దుర్గా నరేష్
నిర్మాతలు: రాకేష్ రెడ్డి గడ్డం, రుద్రదేవ్ మాదిరెడ్డి
కెమెరా: విశ్వేశ్వర్ ఎస్.వి
సంగీతం: కేఎమ్ రాధా కృష్ణ, సురేష్ బొబ్బిలి
ఎడిటర్: అన్వర్ అలీ
నిడివి 2 గంటల 30 నిమిషాలు
విడుదల తేదీ 17-04-2026
రేటింగ్: 2/5 (Papam Prathap Review and rating)
Papam Prathap Review story కథ
ప్రతాప్ (తిరువీర్), బుజ్జమ్మ (పాయల్ రాధాకృష్ణ) ప్రేమ వివాహం చేసుకుంటారు. కానీ పెళ్లైన మూడు రోజులకే ఊరి పంచాయితీలో భర్త ప్రతాప్ను వదిలేసి వెళ్తుంది బుజ్జమ్మ. ప్రతాప్కు ఓ సమస్య ఉందని, అందుకు తాను వదలేసిపోతున్నానని చెప్పి వెళ్లిపోతుంది బుజ్జమ్మ. ఈ క్రమంలో ప్రతాప్ తండ్రి (అజయ్ ఘోష్), బుజ్జమ్మ తండ్రి (దేవి ప్రసాద్)లకు మధ్య పెద్ద గొడవ జరుగుతుంది. దీంతో ప్రతాప్కు మరో పెళ్లి చేస్తానని, అతని తండ్రి అంటాడు. కానీ ప్రతాప్కు ఇది ఇష్టం ఉండదు. మరోవైపు తన సమస్యను సాల్వ్ చేసుకుని, ఎలాగైనా భార్యను తిరిగి తెచ్చుకోవాల నుకుంటాడు ప్రతాప్. తనకున్న సమస్య పరిష్కారమైందని, భార్యను ఇంటికి తెచ్చుకుంటాడు ప్రతాప్. కానీ సీన్ మళ్లీ రిపీట్. ప్రతాప్ను వదిలేసి బుజ్జమ్మ వెళ్లిపోతుంది. అసలు…ప్రతాప్కు ఉన్న సమస్య ఏంటి? ఈ సమస్య నుంచి అతను బయటపడగలిగాడా? చివరిగా ప్రతాప్, బుజ్జమ్మలు కలుసుకున్నారా? లేదా? అనేది మిగిలిన కథ (Papam Prathap Review).
విశ్లేషణ
నటుడు తిరువీర్ ఎప్పుడూ డిఫరెంట్ సినిమాలను ట్రై చేస్తుంటాడు. ఇది మంచి విషయమే. కానీ ప్రయో గాత్మక సినిమాలు చేసినప్పుడు రిస్క్ ఫ్యాక్టర్ ఎక్కువగా ఉంటుంది. ఎందుకోనీ తిరువీర్ రిస్క్కు సక్సెస్ కలిసి రావడం లేదు. పాపం..ప్రతాప్ కథ కూడా ఇంతే. ఈ సినిమా మెయిన్ పాయింట్ పరంగా, పర్వాలేద నిపించినా, ఆడియన్స్ను అలరించడంలో ఫెయిలైంది.
ప్రేమ, పెళ్లి వంటి అంశాలు పర్వాలేదనిపించినా, మెయిన్ పాయింట్ను ఆడియన్స్కు కన్వెన్సింగ్గా చెప్ప లేకపోయాడు దర్శకుడు. పెళ్లైన కొత్తల్లో భార్యభర్తల గొడవ ముందు ఇంట మొదలై, ఆ తర్వాత రచ్చకెక్కు తుంది. కానీ ఈ సినిమాలో మాత్రం డైరెక్ట్గా ఊరి ప్రజల మధ్య పంచాయితీనే. అలాగే హీరో తన సమస్యను తెలుసుకునేందుకు, తన స్నేహితుడి సహాయం తీసుకునే సన్నివేశాలు అస్సలు నప్పలేదు. ఇంట్రవెల్ వద్ద హీరో సమస్య బయటపడుతుంది. ఆ తర్వాత కూడా కథలో డ్రామాను రక్తికట్టించడంలో దర్శకుడు సఫలం కాలేకపోయాడు. రచ్చబండ నేపథ్యంలో వచ్చే సీన్స్, ఫ్లాష్బ్యాక్ సీన్స్ కూడా అంతే. కొన్ని చోట్ల బలవంతంగా నవ్వించాలనుకున్నారు. చాలా తక్కువ సీన్స్లోనే సందర్భానుసారంగా వచ్చే కామెడీ ఒకే అనిపిస్తుంది.
ఎవరు ఎలా చేశారంటే..?
ప్రతాప్ పాత్రకు తిరువీర్ న్యాయం చేశాడు. డిఫరెంట్ షేడ్స్ ఉన్న క్యారెక్టర్ను చేశాడు. ఊరి జనాలు అవమానిస్తుంటే, అవమాన పడే యువకుడిగా చక్కగా యాక్టింగ్ చేశాడు. పల్లెటూరి అమ్మాయి బుజ్జమ్మగా పాయల్ రాధాక్రిష్ణ నేచురల్గా చేసింది. ఎమోషనల్ సీన్స్లో పర్వాలేదనిపించారు. అజయ్ ఘోష్, రఘుబాబు, గోపరాజు రమణ కీ రోల్స్ చేశారు. ముఖ్యంగా ఊరికే మాటలతో రెచ్చిపోయే క్యారెక్టర్లో అజయ్ ఘోష్ కనిపించారు. హీరో తల్లిగా రాశీ మంచి రోల్ చేశారు. దేవి ప్రసాద్, అవసరాల శ్రీనివాస్ వారి వారి పాత్రల పరిధి మేరకు నటించారు (Papam Prathap cast and crew).
ఎంచుకున్న పాయింట్ బాగానే ఉన్నా, ఎగ్జిక్యూషనల్లో మాత్రం ఇబ్బందిపడ్డాడు దర్శకుడు. రిపీట్ సీన్స్, డబుల్ జోక్స్తో కూడిన సన్నివేశాలు ఇలాంటి కథకు అవసరమే లేదు. విశ్వేశ్వర్ సినిమాటోగ్రఫీ, కె.ఎం. రాధాకృష్ణన్ సంగీతం, సురేస్బొబ్బిలి ఆర్ఆర్ ఒకే. అన్వర్ అలీ ఎడిటింగ్ లో ఇంకాస్త కఠినంగా ఉండాల్సింది. నిర్మాణ విలువలు కథ, కథనానికి తగ్గట్లుగా ఉన్నాయి.
మలయాళ సినిమా పళ్లిచట్టంబి సినిమా రివ్యూ
ఫైనల్గా 1990లో పల్లెటూరి నేపథ్యంతో సాగే సినిమా ఇది. కాన్సెప్ట్ బాగానే ఉన్నా, ఆడియన్స్ను కన్విన్సింగ్ చేయడంలో విఫలమైయ్యాడు దర్శకుడు. ఖాళీగా టైమ్పాస్ కోసం చూడొచ్చు. కానీ ఆడియన్స్ తీరిక చేసుకుని వెళ్లాల్సిన సినిమా అయితే కాదు. పాపం..తిరువీర్. మరోసారైన అతనికి మంచి హిట్ బొమ్మపడాలి.
