Rajinikanth-Kamal Haasan : ఇప్పటి భారతీయ సినిమాల్లో పాన్ ఇండియా సినిమాలు, సీక్వెల్స్, ప్రీక్వెల్స్ బాగా పాపులర్ అవుతున్నాయి. అలాగే పెద్ద స్టార్లు కలిసి నటించే సినిమాలపై కూడా ప్రేక్షకులకు ఎక్కువ ఆసక్తి ఉంది. ఇద్దరు టాప్ హీరోలు ఒకే సినిమాలో కనిపిస్తే, సినిమా రిలీజ్ కాకముందే పెద్ద హైప్ వస్తుంది.
అలాంటి క్రేజీ కాంబినేషన్గా రజినీకాంత్ మరియు కమల్ హాసన్ కలిసి నటించే సినిమా గురించి ఇప్పుడు ఎక్కువగా చర్చ జరుగుతోంది. ఇప్పటికే కమల్ హాసన్ నిర్మాణంలో వీరిద్దరూ కలిసి ఒక సినిమాలో నటించబోతున్నారనే వార్తలు ఉన్నాయి. ఇప్పుడు దీనితో పాటు మరో కొత్త సినిమా కూడా ఈ ఇద్దరి కలయికలో వస్తుందని టాక్ వినిపిస్తోంది.
తాజా సమాచారం ప్రకారం, ఈ భారీ మల్టీస్టారర్ సినిమాకు ‘జైలర్’ మూవీ దర్శకుడు నెల్సన్ దిలీప్ కుమార్ దర్శకత్వం వహించే అవకాశం ఉందట. ఈ కాంబినేషన్కు సంబంధించిన ఒక చిన్న వీడియో లేదా ప్రకటనను కూడా ఆయన రెడీ చేస్తున్నాడని వార్తలు వస్తున్నాయి (Rajinikanth-Kamal Haasan ).
అయితే ఈ సినిమా వెంటనే మొదలయ్యే అవకాశం తక్కువగా ఉందని అంటున్నారు. ప్రస్తుతం నెల్సన్ ‘జైలర్ 2’ సహా ఇతర సినిమాలతో బిజీగా ఉన్నాడు. అలాగే ఆయన తెలుగులో కూడా ఒక సినిమా చేయాల్సి ఉందట. అవన్నీ పూర్తయ్యాకే ఈ పెద్ద ప్రాజెక్ట్ మొదలవుతుందని చెబుతున్నారు.
రజినీకాంత్, కమల్ హాసన్ ఇద్దరూ ఒకే ఫ్రేమ్లో కనిపిస్తే అది సినిమాకంటే ఎక్కువగా ఒక చరిత్రగా మారుతుందని అభిమానులు భావిస్తున్నారు. అందుకే ఈ ప్రాజెక్ట్పై వస్తున్న ప్రతి వార్తపై అందరూ ఆసక్తిగా చూస్తున్నారు. అయితే ఇప్పటికి ఇవన్నీ కేవలం వార్తలే, అధికారిక ప్రకటన వచ్చే వరకు ఎదురు చూడాల్సిందే.
