Vicky Kaushal Chhaava Movie: తెలుగులో ఛావా రిలీజ్‌

Vicky Kaushal Chhaava Movie: బాలీవుడ్‌ బాక్సాఫీస్‌కి ఊపిరిపోసింది ‘ఛావా’ సినిమా (Vicky Kaushal Chhaava Movie). విక్కీకౌశల్‌ హీరోగా, లక్ష్మణ్‌ఉటేకర్‌ డైరెక్షన్‌లో రూపొందిన ఈ చారిత్రాత్మక సినిమా 2025 ఫిబ్రవరి 14న విడుదలై, బ్లాక్‌బస్టర్‌ టాక్‌ను సొంతం చేసు కుంది. ఇప్పటికే ఈ సినిమా రూ. 400 కోట్ల రూపాయాల గ్రాస్‌ కలెక్షన్స్‌ను సాధించినట్లుగా మేకర్స్‌ చెబుతున్నారు. ‘ఛావా’ హిందీ వెర్షన్‌ను తెలుగులోనూ చూస్తున్నారు. దీంతో ‘ఛావా’ సినిమా స్ట్రయిట్‌ తెలుగు డబ్బింగ్‌ను మార్చి 7న తెలుగురాష్ట్రాల్లో రిలీజ్‌ చేయాలని మేకర్స్‌ సన్నాహాలు చేస్తున్నారు. మార్చి 7న ‘ఛావా’ సినిమా తెలుగు అనువాదం తెలుగురాష్ట్రాల్లోని థియేటర్స్‌లో ప్రదర్శితం కానుంది.

16వ శతాబ్ధంలో జరిగిన కథ ఇది. మరాఠ సామ్రాజ్య యోధుడు ఛత్రపతి శివాజీ మహారాజ్‌ తనయుడు శంభాజీ మహారాజ్‌ జీవితం ఆధారంగా ‘ఛావా’ సినిమాను తీశారు. ‘ఛావా’ (Chhaava) అనే బుక్‌ ఆధారంగా ఈ మూవీ తీశారు. ఈ చిత్రంలో ఛత్రపతి శంభాజీ మహారాజ్‌గా విక్కీ కౌశల్‌ యాక్ట్‌ చేశారు. శంభాజీ భార్యఏసుభాయిగా రష్మికా మందన్నా యాక్ట్‌ చేశారు. ఈ సినిమాకు ఎంతో కీలకమైన ఔరంగజేబు పాత్రలో అక్షయ్‌ఖన్నా యాక్ట్‌ చేశారు. దివ్యదత్తా, అశుతోష్‌ రాణా, డయానా పెంటీలు ఇతర కీలక పాత్రల్లో యాక్ట్‌ చేశారు.

నిజానికి ‘ఛావా’ సినిమాను డిసెంబరు 6న హిందీలో రిలీజ్‌ చేయాలనుకున్నారు. కానీ డిసెంబరు 5న అల్లు అర్జున్‌ ‘పుష్ప: ది రూల్‌’ సినిమా రిలీజ్‌కు రెడీ అవ్వడంతో, ‘ఛావా’ సినిమాను ఫిబ్రవరి 14కి వాయిదా వేశా రు ఈ చిత్రం నిర్మాత దినేష్‌ విజన్‌. చెప్పాలంటే..ఈ హిందీ నిర్మాతతో అల్లు అరవింద్‌కు మంచి అను బంధం ఉంది. దినేష్‌విజన్‌ హారర్‌ యూనివర్స్‌లోని ‘భేడియా’ సినిమాను తెలుగులో ‘తోడేలు’గా రిలీజ్‌ చేసింది అల్లు అరవింద్‌ గీతాఆర్ట్స్‌ డిస్ట్రిబ్యూషన్‌ సంస్థయే. పైగా ‘పుష్ప ది రైజ్‌’ తర్వాత అల్లు అర్జున్‌తో హిందీలో ఓ మూవీ చేయాలని దినేష్‌ విజన్‌…అప్పట్లో అల్లు అరవింద్‌ను అప్రోచ్‌ అయ్యారు. కానీ కుదర్లేదు. అయితే ‘తోడేలు’ సినిమా తరహాలోనే ‘ఛావా’ సినిమాను అల్లుఅరవింద్‌ రిలీజ్‌ చేయనున్నారు.

ఒకవేళ…డిసెంబరు 5న అల్లు అర్జున్‌ ‘పుష్ప ది రూల్‌’, డిసెంబరు 6న ‘ఛావా’ సినిమాలు రిలీజై ఉంటే, కచ్చితంగా ‘పుష్ప’ సినిమాకు డ్యామేజ్‌ జరిగిఉండేది. కానీ ‘ఛావా’ టీమ్‌ తమ సినిమా రిలీజ్‌ను వాయిదా వేసుకుంది. ఇప్పుడు దీనికి బదులుగా ‘ఛావా’ సినిమాను ఇప్పుడు అల్లు అర్జున్‌ తండ్రి అల్లు అరవింద్‌ రిలీజ్‌ చేస్తున్నారు. మరి..‘ఛావా’ సినిమా తెలుగులో ఎంతటి విజయం సాధిస్తుందో చూడాలి.