2024లో మలయాళంలో వచ్చిన ‘వాలా’ సినిమా సూపర్ హిట్ అవ్వడంతో ‘వాలా 2’ చిత్రాన్ని తెరకెక్కించారు. మలయాళంలో ఏప్రిల్ 2న రిలీజై, భారీ విజయాన్ని నమోదు చేసు కుంది. దాదాపు రూ. 200 కోట్ల రూపాయాలకు పైగా వసూళ్లను రాబట్టింది ‘వాలా 2’ సినిమా. అంతేకాదు.. మల యాళంలో అత్యధిక వసూళ్లు సాధించిన టాప్ ఫైవ్ సినిమాల జాబితాలో ‘వాలా 2’ (Vaazha2 review in telugu) సినిమా కూడా ఉంది. దీంతో ‘వాలా 2’ సినిమాను ఈ నెల 24న తెలుగులో రిలీజ్ చేశారు మేకర్స్. ముందురోజే..అంటే ఏప్రిల్ 23 రాత్రే, ఈ సినిమా ప్రీమి యర్స్ను ప్రదర్శించడం జరిగింది. మరి..ఈ సినిమా ఎలా ఉంది? గతంలో వచ్చిన మలయాళ సినిమాల్లానే, ఈ ‘వాలా 2’ సినిమా కూడా తెలుగు ప్రేక్షకులను మెప్పించిందా? అనేది ఈ రివ్యూలో (Vaazha2 review) చదివేద్దాం.
సినిమా : వాలా 2 (Vaazha2 review in telugu)
దర్శకత్వం: ఎస్ఏ సావిన్ (Vaazha 2 director)
రచయిత: విపిన్ దాస్
నిర్మాతలు: విపిన్ దాస్, హారిస్ దేశం, సాహు గారపాటి, పీబీ అనిష్, ఆదర్శ్ నారాయణ్, ఐకాన్ స్టూడియోస్
కెమెరా: అఖిల్ లైలాసురన్
ఎడిటర్: కన్నన్ మోహన్
మ్యూజిక్ సూపర్ విజన్: అంకిత్ మేనన్
నేపథ్య సంగీతం: ఏటీమ్
విడుదల తేదీ ఏప్రిల్ 24, 2026 (Vaazha2 Release date)
నిడివి: 2 గంటల 43 నిమిషాలు
రేటింగ్: 2.75/5 (Vaazha2 movie review and rating)
Vaazha2 review story: కథ
హషిర్, అలెన్, వినాయక్, అజిన్ బెస్ట్ ఫ్రెండ్స్. ఈ నలుగురు చదువుకుంటున్న స్కూల్లో ముజీబ్సార్ చాలా స్ట్రిక్ట్. ఓ రోజు ఓ అమ్మాయి-అబ్బాయి మాట్లాడుకోవడం చూసి, ముజీబ్ సార్ వారిని పనిష్ చేయకుండా, వారికి ఓ టాస్క్ అప్పజెప్పుతాడు. క్లాసెస్లో లవర్స్ ఎవరు? ఎవరు మొబైల్ ఫోన్స్ తీసుకువస్తున్నారు? అని తనకు చెప్పాలని చెబుతాడు. ఇలా హషిర్, అలెన్, వినాయక్, అజిన్ దొరికిపోతారు. అలానే అలెన్ చెల్లి ఫ్రెండ్స్తో సినిమాకు వెళ్లి దొరికిపోతుంది. ఆ తర్వాత ముజీబ్ సార్ చేసే కామెంట్స్ వల్ల, ఈ నలుగురు స్టూడెంట్స్ పెద్ద గొడవ చేస్తారు. తెలియక డ్రగ్స్ తీసుకున్న మత్తులో ఓ పాజిటివ్ మైండ్ సెట్ ఉన్న టీచర్ను కూడా కొడతారు. దీంతో పోలీసులు వస్తారు. ఆ తర్వాత..ఈ నలుగురి జీవితం ఏమైంది? డ్రగ్స్ తీసుకున్నారని తెలిసి, ఊళ్లో వాళ్లు..వారి కుటుంబసభ్యుల నుంచి వాళ్లు ఎలాంటి ఇబ్బందులు ఫేస్ చేశారు? హషిర్-షైనాల లవ్స్టోరీ ఏమైంది? అన్నది ఈ ‘వాలా 2’ సినిమాలో చూడొచ్చు (Vaazha2 review).
Vaazha2 telugu review విశ్లేషణ
‘వాలా’ సినిమా ఫస్ట్పార్టు విజయం సాధించడంతో, రెండో పార్టుపై అంచనాలు ఏర్పడ్డాయి. ఈ అంచనాలకు ఏ మాత్రం తగ్గకుండ, మలయాళ బాక్సాఫీస్ వద్ద ‘వాలా 2’ సినిమాకు మంచి కలెక్షన్స్ వస్తున్నాయి. ‘వాలా’ సీక్వెల్ హైప్ బాగా ఉపయోగపడింది.
చిన్నప్పటి స్నేహం, కాలేజీ గొడవలు, ప్రేమకథ, డ్రగ్స్ ఎపిసోడ్తో తొలిభాగం సాగుతుంది. మధ్యతరగతి అబ్బాయిల జీవితాలు, వాళ్ల కష్టాలు, వారి భావోద్వేగాలతో సెకండాఫ్ సాగుతుంది. ఈ సినిమాలో కామెడీ బాగా వర్కౌటైంది. కానీ ఈ కామెడీని డామినేట్ చేసేలా, ఎమోషన్స్ కూడా వర్కౌట్ అయ్యాయి. ముఖ్యంగా చివరి అరగంట మంచి ఎమోషన్స్ కనిపిస్తాయి స్క్రీన్పై.
స్నేహాం, ప్రేమ, సిస్టర్ సెంటిమెంట్, రెస్సాన్సిబిలిటీ ఎమోషన్..ఇలా నలుగురు జీవితాల్లో నాలుగు డిఫరెంట్ ఎమోషన్స్తో క్లైమాక్స్ను దర్శకుడు తెరకెక్కించిన తీరు అభినందనీయం. ముఖ్యంగా బాధ్యతల బరువు అబ్బాయిల జీవితాలను ఏ విధంగా తారుమారు చేస్తాయనే విషయాన్ని దర్శకుడు డీల్ చేసిన విధానం బాగుంది. గెస్ట్ అప్సీయరెన్సెస్ బాగున్నాయి. కామెడీ పరంగా మాత్రం కొంతమందికి ‘వాలా 1’నే నచ్చొచ్చు. అయితే ‘వాలా 2’ కూడా ఆడియన్స్ను ఏమాత్రం నిరుత్సాహపరచదు. మిడిల్ క్లాస్ ఎమోషన్స్, స్టూడెంట్ లైఫ్…మెమోరీస్కు చాలామంది ఆడియన్స్ కనెక్ట్ అవుతారు. ఇది ఈ సినిమాకు మంచి ఫ్లస్ పాయింట్.కొన్ని సాగదీత సన్నివేశాలు ఉన్నాయి. స్టూడెంట్స్పై టీచర్స్, ముఖ్యంగా వారి తల్లిదండ్రులు ఎంత శ్రద్ధ, బాధ్యతగా ఉండాలో, ఇంట్రవెల్ తర్వాత వచ్చే సీన్స్లో బాగా చూపించారు.
Vaazha2 cast and crew నటీనటులు పెర్ఫార్మెన్స్
సోషల్మీడియాతో పాపులర్ అయిన హషిర్, అలెన్, అజిన్, వినాయకలు సూపర్భ్ పెర్ఫార్మెన్స్ ఇచ్చారు (Vaazha2 cast and crew). ఎమోషనల్ సీన్స్లో మెప్పించారు. అలెన్ చెల్లి పాత్రలో వేదశంకర్, హషిర్ లవర్గా ఏంజెల్ నటించారు. పోలీస్ పాత్రలో ఆల్ఫన్స్ పుత్రేన్ మెరిశాడు. దేవరాజ్, బిజూ కుట్టన్, అజు వర్గీస్, విజయ్ బాబు…వారి వారి పాత్రల మేరకు మెప్పించారు. బిజు కుట్టన్కి మంచి రోల్ లభించింది. అంకిత్మీనన్ మ్యూజిక్, ఏ టీమ్..ఆర్ఆర్ ఈ సినిమాకు బాగా ప్లస్ అయ్యాయి. తెలుగు డబ్బింగ్ జాగ్రత్తలు బాగానే తీసుకున్నారు. ఇది తెలుగు ఆడియన్స్కు, సినిమాను చేరువ చేయడంలో ఉపయోగపడుతుంది. డైరెక్టర్ సావిన్ మంచిగా డైరెక్ట్ చేశారు. విపిన్ రైటింగ్ను మెచ్చుకోవాల్సిందే. ఫస్ట్పార్టు రాసింది కూడా ఇతనే. కేరళలోని రియల్ లొకేషన్స్ను సినిమాటోగ్రఫీ పిక్చరైజేషన్ బాగుంది. నిర్మాణ విలువలు ఫర్వాలేదు.
బాటమ్లైన్ : మిడిల్క్లాస్ స్టూడెంట్స్ బయోపిక్ ఇది. ఫ్యామిలీ ఎమోషన్స్, రిలేషన్స్కు ఫ్రెండ్షిప్ కూడా జోడైంది. మధ్యలో కామెడీ. ఇలా…అన్ని విధాలా, ఈసినిమాకు బాగా కుదిరాయి. కుర్రాళ్లందరూ ఈ సినిమాకు తప్పక కనెక్ట్ అవుతారు. వాలా..వలలో పడిపోతారు.
రెడ్ శారీలో మెరిసిపోతున్న హీరోయిన్ శ్రుతీహాసన్…అదిరిపోయే లుక్స్
