Rolugunta Suri Movie First Look poster: విలేజ్ బ్యాక్డ్రాప్లో రూపొందుతున్న రియలిస్టిక్ ఎమోషనల్ డ్రామా ‘రోలుగుంట సూరి’. అనిల్ కుమార్ పల్లా దర్శకత్వంలో నాగార్జున పల్లా, ఆధ్యారెడ్డి, భావన నీలిపి హీరో హీరోయిన్లుగా నటించిన సినిమా ఇది. తపస్వీ ఆర్ట్ క్రియేషన్స్ పతాకంపై సౌమ్య చాందిని పల్లా ఈ సినిమాను నిర్మించారు. తాజాగా ఈ సినిమా ఫస్ట్లుక్ పోస్టర్ను రాజేంద్రప్రసాద్ విడుదల చేశారు. అనంతరం ఆయన మాట్లాడుతూ– ‘‘ఫస్ట్లుక్ నన్ను ఇంప్రెస్ చేసింది. ఇలాంటి సినిమాలు సైలెంట్గా వచ్చి, ఆడియన్స్ను ఇంప్రెస్ చేస్తాయి. చిత్రంయూనిట్కు అభినందనలు’’ అని అన్నారు.
దర్శకుడు అనిల్ కుమార్ పల్లా మాట్లాడుతూ – ‘‘రాజేంద్రప్రసాద్గారు మా సినిమా ఫస్ట్లుక్ను లాంచ్ చేయడం మాకు ఉత్సాహాన్నిచ్చింది. తెలుగు సినిమా చరిత్రలో మా సినిమా నిలిచిపోతుంది. భావోద్వేగాలతో, జీవిత సత్యాలతో మిళితమైన ఈ కథ ప్రతి ఒక్కరినీ అలరిస్తుందనే నమ్మకం ఉంది’’ అని తెలిపారు నిర్మాత సౌమ్య చాందిని.
బ్రహ్మనందరెడ్డి, సత్యనారాయణ, ఆయుషా, జ్యోతి, మహర్షి రమణ, ముకుందం శ్రీను ఇతర ప్రధాన పాత్రల్లో నటించిన ఈ సినిమాకు సుభాష్ ఆనంద్ మ్యూజిక్ డైరెక్టర్, బ్యాగ్రౌండ్ మ్యూజిక్ సందీప్ చక్రవర్తి.
