NTRNeel Movie new Release date: అందరూ ఊహించినట్లుగానే జరిగింది. ఎన్టీఆర్నీల్ (వర్కింగ్ టైటిల్) సినిమా (NTRNeel Movie) ఈ ఏడాది విడుదల కావడం లేదు. ఎన్టీఆర్ (NTR) హీరోగా ప్రశాంత్నీల్ దర్శకత్వంలో రూపొందుతున్న పీరియాడికల్ యాక్షన్ సినిమా ఇది. ఈ గ్యాంగ్స్టర్ డ్రామాలో రుక్మిణీవసంత్ హీరోయిన్గా నటిస్తున్నారు. అనిల్ కపూర్, ఆలియాభట్ వంటివారు ఈ సినిమాలోని ఇతర కీలక పాత్రల్లో నటిస్తున్నారనే ప్రచారం సాగుతోంది. అయితే వీరు ఈ సినిమాలో భాగమైయ్యారా? లేదా అనేది యూనిట్ నుంచి అధికారికంగా రావాల్సి ఉంది.
ఎన్టీఆర్నీల్ సినిమాను తొలుత ఈ ఏడాది జనవరి 9న రిలీజ్ చేయనున్నట్లుగా ఏడాదిన్నర క్రితం ప్రక టించారు. ఆ తర్వాత ఈ ఏడాది జూన్ 25న రిలీజ్ అంటూ ప్రకటించారు. తాజాగా ఈ సారి ఏకంగా.. ఏడాది పాటు వాయిదా వేసి, వచ్చే ఏడాది జూన్ 11న రిలీజ్ చేయనున్నట్లు మేకర్స్ అధికారికంగా ప్రక టించారు. అలాగే ఎన్టీఆర్ బర్త్ డే సందర్భంగా ఎన్టీఆర్నీల్ సినిమా గ్లింప్స్ను రిలీజ్ చేయనున్నట్లు తెలిపారు.
ఈ సినిమా షూటింగ్ స్టారై్టనప్పట్నుంచి ఏవో అవాంతరాలు ఎదరవుతూనే ఉన్నాయి. కొంత షూటింగ్ తర్వాత, అవుట్పుట్ నచ్చక, మళ్లీ రీ షూట్ చేశారట. ఈ సినిమాలో ఎన్టీఆర్ ద్విపాత్రాభినయం చేస్తు న్నారని తెలిసింది. దీంతో లుక్స్ మధ్య వేరియేషన్స్తో కూడిన సన్నివేశాల చిత్రీకరణకు సమయం పడుతుందట. ఈ సినిమా కోసం జిమ్లో వర్కౌట్ చేస్తుండగా, ఎన్టీఆర్ జిమ్లో గాయపడ్డారు. షూటింగ్ నిలిచిపోయింది. ఆ తర్వాత ఈ సినిమాలోని విలన్ రోల్ నుంచి మలయాళ యువ నటుడు టోవినోథామస్ తప్పుకున్నారు. ఇలా వరుస సంఘటనల నేపథ్యంలో ఎన్టీఆర్నీల్ సినిమా రిలీజ్ వాయిదా పడిందని ఊహించవచ్చు.
ఎన్టీఆర్ ఆర్ట్స్, మైత్రీమూవీమేకర్స్ పతాకంపై నవీన్ ఎర్నేని, వై.రవిశంకర్, కొసరాజు హరికృష్ణ, నందమూరి కల్యాణ్రామ్ ఈ ఎన్టీఆర్నీల్ సినిమాను నిర్మిస్తున్నారు. తాజాగా ఈ సినిమాకు టీ–సిరీస్ వంటి పెద్ద నిర్మాణ సంస్థ కూడా భాగమైనట్లుగా తెలుస్తోంది. ఈ సినిమాకు సంగీతం రవిబస్రూర్. ఇక ఈ సినిమాకు డ్రాగన్ అనే టైటిల్ను మేకర్స్ అనుకుంటున్నారని తెలిసింది.
