Raviteja Irumudi Review: ‘ధమాకా’ (2022) వంటి హిట్ ఫిల్మ్ తర్వాత, ఈ స్థాయిలో మరో హిట్ను రవితేజ అందుకోలేకపోయారు. సిన్సియర్ అటెమ్ట్స్ చేస్తున్నప్పటికీని, ఎందుకో కానీ సరైన హిట్ను అందుకోలేకపోయారు. దీంతో రెగ్యులర్ కమర్షియల్ సినిమాలకు కాస్త బ్రేక్ ఇచ్చి, ఓ డిఫరెంట్ డివోషనల్ క్రైమ్ థ్రిల్లర్ మూవీ ‘ఇరుముడి’ చేశారు. ఇటు ‘నిన్నుకోరి, మజిలీ’ చిత్రాలను తీసిన, వంటి లవబుల్ సినిమాలు తీసిన శివ నిర్వాణ కూడా జానర్ షిఫ్ట్ చేసి, ‘ఇరుముడి’ సినిమా తీశారు. మరి…రవితేజ వరుస ఫ్లాప్ సినిమాలకు ‘ఇరుముడి’ సినిమాతో బ్రేక్ పడిందా? రివ్యూలో చదివేద్దాం.
Raviteja Irumudi Review and Story: కథ
త్రినాథరావు కాసు (రవితేజ) అనాథ. తాగుబోతు. ఆవేశపరుడు. కావేరి (ప్రియాభవానీశంకర్)ని లవ్ మ్యారేజ్ చేసుకుంటాడు. పెళ్లైన తర్వాత వీరికి నాలుగు సంవత్సరాల పాటు సంతానం లేకపోవడంతో, త్రినాథ్ అయ్యప్పమాల వేసి, ఆ స్వామిని మొక్కుకుంటే….త్రినాథ్–కావేరి దంపతులకు కుమార్తె జన్మిస్తుంది. మణికంఠ (నక్షత్ర) పేరు. తన కుమార్తె మణికంఠ (నక్షత్ర) అనే ప్రాణం. త్రినాథరావుకు గురుస్వామి గోపరాజు (సాయికుమార్) అండగా ఉంటుంటాడు. త్రినాథరావు తాగుబోతు అయినప్పటికీని, ప్రతి ఏడాది 41 రోజుల పాటు అయ్యప్ప స్వామి దీక్షను నిష్టగా పాటిస్తాడు. అయితే దీక్ష మరుసటి రోజు నుంచే మళ్లీ తాగుబోతు అవతారం ఎత్తుతాడు. త్రినాథరావు ఆవేశపరుడు కావడంతో తరచూ పక్క ఊర్లో ఉన్న ఏర్రాజి (అజయ్ఘోష్), ఏర్రాజి కుమారుడు నాగులు (రమేష్ ఇందిరా)లతో గొడవలు అవు తుం టాయి. అమ్మాయిల కబడ్డీ పోటీల్లో అన్యాయం జరిగిందని నాగులును కొడతాడు త్రినాథ్. గురుస్వామి కుమార్తె గాయత్రిని కొందరు గంజాయి పోకిరిలు ఇబ్బంది పెట్టారని, ఈ కుర్రాళ్ళను కొడతాడు త్రినాథ్. కొన్ని పాత గొడవలు కూడా ఉంటాయి. త్రినాథ్ మళ్లీ మాల వేస్తే వీరందరూ అతనిపై పగ తీర్చుకోవాలని చూస్తుంటారు. మరోవైపు ఊర్లో టీనేజ్ అమ్మాయిలు వరుసగా ఆత్మహత్యలు జరుగుతుంటాయి. మరి.. ఈ అమ్మాయిల చావుకు కారణం ఎవరు? త్రినాథ్ కుమార్తె మణికంఠకు ఏమైనా ప్రమాదం వాటిల్లిందా? అనేది మిగిలిన కథ (Irumudi Review ).
విశ్లేషణ
అయ్యప్పస్వామికి– అతనిభక్తుడుకి ఒక భక్తి ముడి, ఫాదర్–కుమార్తెల మధ్య ఒక ఎమోషనల్ ముడి… ఈ రెండు ముడులు (ఇరుముడి) మధ్య చిక్కుకున్న ఓ క్రైమ్ చిక్కుముడి…ఇదే ‘ఇరుముడి’ కథ అని దర్శకుడు శివ నిర్మాణ చెప్పారు. కానీ వెండితెరపై ఈ ముడులు గట్టిగా ఉన్నట్లు లేవు. తొలిభాగం సాఫీగా సాగిపో తుంది. తండ్రీకూతుళ్ల మధ్య ఎమోషన్, ‘మల్లెపూల పల్లకి..’ సాంగ్… బాగున్నాయి. ప్రీ ఇంట్రవెల్ సెటప్ రోటీన్గా ఉంటుంది. ఇంట్ర వెల్లో ఓ అజ్ఞాతవ్యక్తి నాగులును హత్యచేయడం, మరోవైపు తాను మందు మానేస్తానని తన కుమార్తెకు త్రినాథ్ మాట ఇవ్వడంతో ఇంట్రవెల్ కార్డు పడుతుంది. మళ్లీ అయ్యప్పమాల వేసుకున్న తర్వాత త్రినాథ్పై అతని శత్రువులు ఎలా ఎటాక్ చేస్తారనే? ఓ క్యూరియాసిటీతో సెకండాఫ్ ప్రారంభం అవుతుంది. ఈ క్రమంలో త్రినాథరావు ఎదుర్కొనే కొన్ని సవాళ్ళు, మెయిన్ విలన్ రివీల్, అమ్మాయిల ఆత్మహత్యల వెనక ఉన్న మిస్టరీ..ఒక్కో చిక్కుముడి విడిపోతుంటుంది. సమస్య ఏంటం టే…క్రైమ్ సినిమాలు చూసే వారికి విలన్ ఎవరు? అనేది గెస్ చేయగలరు. ఫస్ట్హాఫ్లో సీన్స్ బాగున్నా, కొంత ల్యాగ్ ఉన్నట్లు అనిపిస్తుంది. క్లైమాక్స్ సెటప్ ఆడియన్స్ను భావోద్వేగానికి గురిచేస్తుంది. అలాగే మంచి సందేశం కూడా ఉంది (Irumudi Cinema Review ).
నటీనటుల పెర్ఫార్మెన్స్
త్రినాథరావు పాత్రలో రవితేజ చక్కగా నటించాడు. తన రోటీన్ ఎనర్జీని ఓ కొత్త తరహా పాత్రలో కనబరిచే ప్రయత్నం చేశారు. కానీ బాడీ లాంగ్వేజ్ మాత్రంలో మార్పు లేదు. యాక్షన్ సీన్స్లో తనదైన మార్క్ చూపించాడు. ఏదైనా తన కంఫర్ట్జోన్ను దాటి, రవితేజ చేసిన ఈ ప్రయత్నం బాగుంది. ముఖ్యంగా ఓవర్ హీరోయిజం జోలికి పోకుండా, ఓవర్ కమర్షియాలిటీ లేకుండా, సినిమా చేశారు రవితేజ. ఇది అభినందనీ యం. ఇక గృహిణి కావేరి పాత్రలో ప్రియాభవానీ శంకర్ యాక్టింగ్ రోటీన్గానే ఉంటుంది. గురుస్వామిగా సాయికుమార్ మంచి యాక్టింగ్ చేశారు. హీరో తర్వాత ఈ సినిమాలో అంతటి ముఖ్యమైన పాత్ర ఇది. ఇక మణికంఠగా నక్షత్ర యాక్టింగ్ అయితే…ఈ సినిమాకు మరో బలంగా నిలిచింది. అజయ్ఘోష్, రమేష్ ఇందిర, స్వాసిక నెగటివ్ టచ్ ఉన్న రోల్ చేశారు. జీవీ ప్రకాష్కుమార్ మ్యూజిక్ ఒకే. సినిమాకు సరిపో తుంది. కానీ ‘ఇరుముడి’ సినిమాకు మ్యూజిక్ ఓ బలంగా ఉండే అంశంలా మాత్రం లేదు. విజువల్స్ బాగున్నాయి. ఎడిటింగ్ ఒకే. నిర్మాణ విలువలు ఒకే. (Irumudi Movie cast and crew)
