హీరో కిరణ్అబ్బవరం నిర్మించిన తొలి సినిమా ‘తిమ్మరాజుపల్లిటీవీ’. సాయితేజ్, వేద జలంధర్ హీరో హీరోయిన్లుగా నటించారు. మునిరాజు దర్శకుడు. ఇలా చాలామంది తొలిసారిగా ఈ సినిమాతో సిల్వర్స్క్రీన్పై కనిపించారు. మరి..ప్రయత్నాన్ని ‘తిమ్మరాజుపల్లిటీవీ’ సినిమాల నిలబెట్టిందా? రివ్యూలో చదివేయండి.
సినిమా తిమ్మరాజుపల్లి టీవీ (Thimmarajupalli TV Review)
నటీనటులు – సాయి తేజ్, వేద జలంధర్, ప్రదీప్ కొట్టె, స్వాతి కరిమిరెడ్డి, అమ్మ రమేష్, సత్యనారాయణ, లతీష్,
రచన, ఎడిటింగ్, దర్శకత్వం – వి. మునిరాజు
డీవోపీ – అక్షయ్ రామ్ పొదిశెట్టి
మ్యూజిక్ – వంశీకాంత్ రేఖన
ప్రొడ్యూసర్ – కిరణ్ అబ్బవరం
కో ప్రొడ్యూసర్ – తేజ వేల్పుచర్ల
నిడివి 2 గంటల 4 నిమిషాలు
విడుదల తేదీ 17 ఏప్రిల్ 2026 (Thimmarajupalli TV Review Release date)
రేటింగ్ 2.25/5 (Thimmarajupalli TV Review and Rating)
Thimmarajupalli TV story: కథ
1990 సమయంలో అప్పుడప్పుడే టీవీలు వస్తున్న సమయం అది. ఆ సమయంలో ఊర్లో ఒకటోరెండో టీవీలు ఉండేవి. అలా తిమ్మరాజుపల్లి ఊరికి రాజప్ప తొలి టీవీని తీసుకువస్తాడు. టీవీ చూసేందుకు ఊరి జనం రాజప్ప ఇంటికి వస్తుండేవాళ్ళు. అలా రాజప్ప ఇంట్లో ఎప్పుడూ సందడిగానే ఉండేది. ఊర్లో కుర్రాడు సతీస్ (సాయి తేజ్)కూడ అలా టీవీ చూడ్డానికి వచ్చి, రాజప్ప చెల్లి శారద (వేద జలంధర్)ని ప్రేమిస్తాడు. సాయి-శారదల ప్రేమ రాజప్పకు తెలియడంతో పెద్ద గొడవ జరుగుతుంది. రాజప్పకు తన ఇంట్లో ఉన్న టీవీని చూసుకునే వీర వీగుతున్నాడని, అసలు.. ఈ టీవీనే లేకుండా చేస్తానని సతీష్ అంటాడు. సతీష్ ఈ మాట అన్న రోజునే రాజప్ప ఇంట్లో టీవీ మాయం అవుతుంది. దీంతో టీవీని దొంగిలించాడనే నింద సతీస్పై పడుతుంది. మరి..నిజంగా టీవీని దొంగతనం చేసింది ఎవరు? సతీష్-శారదల ప్రేమకథ ఏమైంది? అన్న ఆసక్తికర విషయాలను సినిమాలో చూడాలి (Thimmarajupalli TV Review).
Thimmarajupalli TV విశ్లేషణ
హీరో- హీరోయిన్లు ప్రేమించుకోవడం, హీరోయిన్ ఫ్యామిలీ అపోజ్ చేయడం, ఆ తర్వాత హీరో సవాల్ చేసి, గెలవడం. చాలా ఓల్డ్ తెలుగు సినిమా టెంప్లెట్ ఇది. తిమ్మరాజుపల్లిటీవీ సినిమాలోనూ ఇదే కనిపించింది. స్టార్టింగ్లో కాస్త బోరింగ్గా అనిపించినా, రాజప్ప టీవీ తెచ్చినదగ్గర్నుంచి, హీరో హీరోయిన్ల ప్రేమ రాజకు తెలిసినప్పట్నుంచి కథ రక్తికడుతుంది. కథలో సంఘర్షణ మొదలవుతుంది. ఇంట్రవెల్ సీన్ ఒకే. టీవీని ఎవరు దొంగతనం చేశారనే సస్పెన్స్ కొనసాగించిన దర్శకుడి స్క్రీన్ ప్లే అభినందనీయం. కానీ ఈ సస్పెన్స్ను రివీల్ చేసే క్రమంలో హీరో చేసే ప్రయత్నాల్లో బలం లేదు. మళ్లీ క్లైమాక్స్లో మంచి పట్టు కుదిరింది దర్శకుడికి. ఎమోషనల్గా క్లైమాక్స్ బాగా కుదిరింది.
1990 నాటి కాలాన్ని స్క్రీన్పై రీ క్రియేట్ చేయడం మధ్యలో బాలయ్య సాంగ్ రిఫరెన్స్ బాగున్నాయి. పల్లెటూరి ప్రేమకథలను గుర్తు చేయడం , పల్లెటూరి సాంప్రదాయం, పండగ వాతావరణం వంటివి…మళ్లీ 1990 ఆడియన్స్కు గుర్తు వచ్చేలా ఉంటాయి. టీవీతో ఎమోషన్ను ముడిపెట్టడం పర్వాలేదు. చాలామంది కనెక్ట్ అయ్యే పాయింట్ ఇది. ఫస్టాప్ కొన్ని సన్నివేవాలు, స్టోరీలో కొన్ని చోట్ల బలం లేకపోవడం వంటివి ఈసినిమాకు చిన్నపాటి మైనస్లు.
నటీనటులు పెర్ఫార్మెన్స్
సతీష్గా సాయితేజ్ నటన బాగుంది. యాక్టర్గా తొలి సినిమాతోనే మెప్పించే ప్రయత్నం చేశాడు. వేద జలంధర్ కూడా మంచి ప్రతిభ చూపించారు. రాజప్పగా ప్రదీప్, సర్పంచ్ రామచంద్రయ్యగా అమ్మరమేష్ కీలకమైన పాత్రలు చేశారు. ఆల్మోస్ట్ అందరూ నూతననటీటులు అయినే స్క్రీన్పై ఈ లోటు కనిపించలేదు (Thimmarajupalli TV Review cast and crew). టెక్నికల్గా కూడా ఈ సినిమా పాసైంది. ముఖ్యంగా వంశీకాంత్ రేఖన మ్యూజిక్ బాగా సౌండ్ చేసింది. దర్శకుడే ఎడిటర్ కనుక, కట్ చేసేందుకు మనసురానట్లుగా ఉంది. విజువల్స్ బాగున్నాయి. 1990 కాలాన్ని క్రియేట్ చేసిన ఆర్ట్ డైరెక్షన్ డిపార్ట్మెంట్ ప్రస్తావనను గుర్తు చేసుకోవాలి. కిరణ్ అబ్బవరం, తేజల నిర్మాణ విలువకు నూతన నటీనటులకు తగ్గట్లుగా ఉన్నాయి. నూతన దర్శకుడు మునిరాజు ఉన్నంతలో బాగానే తీశాడు.
బాటమ్లైన్: పల్లెటూరి లవ్స్టోరీ డ్రామా ఇది. ఫ్యామిలీ ఆడియన్స్ చూడొచ్చు. పల్లెటూరి ఎమోషన్స్, ఊరి జ్ఞాపకాలు అన్నీ ఈ సినిమాతో ఓ సారి గుర్తుకు వస్తాయి. అంతా కొత్త వాళ్లు కనుక కొన్ని లోటుపాట్లైతే ఉన్నాయి. తిమ్మరాజుపల్లి టీవీని ఆడియన్స్ ఓ సారి చూడొచ్చు.
