Rajinikanth and Chiranjeevi: రజనీకాంత్…చిరంజీవి…ఇద్దరూ సిల్వర్స్క్రీన్ సూపర్స్టార్స్. సుధీర్ఘమైన సక్సెస్ఫుల్ యాక్టింగ్ కెరీర్. వీరి జీవితాల్లో ఎన్నో ఒడిదొడుకులు ఉండి ఉంటాయి. అలాగే సక్సెస్ మైలురాళ్ళు. బాక్సాఫీస్ రిజల్ట్లు. వ్యక్తి గతమైన విశేషాలు…ఈ అంశాలను గురించి అందిరకీ ఆసక్తి ఉంటుంది.
ఈ విషయాలు త్వరలోనే బహిర్గతం కానున్నాయి. అవును…తన జీవితంలోని ఆసక్తికరమైన విషయాలను గురించి, రజనీకాంత్ త్వరలోనే వెల్లడించనున్నారు. ఆటో బయోగ్రఫీని (Rajinikanth Autobiography) రూపొందించే పనిలో ఉన్నారు రజనీకాంత్. ఇందుకు సంబంధించిన పనులు మొదలైయ్యాయి. రాబోయే రెండు సంవత్సరాల కాలంలో ఈ ఆటో బయోగ్రఫీ ఆడియన్స్ ముందుకు రానుంది.
ఇక సినిమాల విషయానికి వస్తే…రజనీకాంత్ హీరోగా నటించిన లేటెస్ట్ మూవీ ‘జైలర్ 2’ జూన్ 12న రిలీజ్కు సిద్ధం అవుతుంది. సిబీ చక్రవర్తి డైరెక్షన్లోని తలైవర్ 173 సినిమా చిత్రీకరణ ఏప్రిల్లో ప్రారంభం అవుతుంది.
మరోవైపు ఇటీవలే ‘మనశంకరవరప్రసాద్గారు’ సినిమాతో బ్లాక్బస్టర్ హిట్ అందుకున్నారు చిరంజీవి. ఆయన నటించిన ‘విశ్వంభర’ సినిమా ఈ ఏడాది జూలై 10న రిలీజ్ చేయడానికి సిద్ధం అవుతున్నారు. అయితే తన జీవితంలోని అనుభవాలతో పాడ్కాస్ట్ తరహాలో కొన్ని విశేషాలను వెల్లడించే ఆలోచన ఉందని చిరంజీవి చెప్పారు (Chiranjeevi Life Podcast). భవిష్యత్లో ఇది ప్రారంభం అవుతుంది. రచయిత బీవీఎస్ రవి, నిర్మాత, చిరంజీవి కుమార్తె సుస్మిత కొణిదెల….ఈ పాడ్కాస్ట్ సిరీస్ను పర్వవేక్షిస్తారట.
ఇలా సినీ ఇండస్ట్రీలో ఎంతో అనుభవం ఉన్న చిరంజీవి, రజనీకాంత్లు తమ జీవిత అనుభవాలను షేర్ చేసుకోవాలనుకోవడం మంచిదనే చెప్పొచ్చు.
