ది రాజాసాబ్‌ మెలోడీ…సహన..సహన

December 19, 2025 1:04 am

Viswa

1 Min Read

View all stories

Samantha Photos 2026

Aishwarya Rajesh

ViRoshWedding 2026 Photos

Faria Abdullah

Samantha Ruth Prabhu

Sahana sahana Song: ప్రభాస్‌ హీరోగా నటించిన లేటెస్ట్‌ మూవీ ‘ది రాజాసాబ్‌’ (TheRajasaab) సినిమా ఈ సంక్రాంతి సందర్భంగా థియేటర్స్‌లో రిలీజ్‌ కానుంది. దీంతో ఈ సినిమా ప్రమోషన్స్‌ను మరింత స్పీడప్‌ చేశారు మేకర్స్‌. ఆల్రెడీ ‘ది రాజాసాబ్‌’ సినిమా నుంచి ఇప్పటికే టీజర్, ఓ ట్రైలర్, సాంగ్‌ రాగా, కొత్తగా ‘సహన సహన’ అంటూ సాగే, మరో పాటను మేకర్స్‌ రిలీజ్‌ చేశారు. ఈ పాట లిరికల్‌ వీడియోను కాకుండ, డైరెక్ట్‌గా వీడియో సాంగ్‌ను మేకర్స్‌ రిలీజ్‌ చేయడం విశేషంగా చెప్పుకోవచ్చు.

ఇక సహన సహన సాంగ్‌ లాంచ్‌ ఈవెంట్‌ (SahanaSahana Song Launch Event) హైదరాబాద్‌లోని లులు మాల్‌లో జరిగింది. ఈ ఈవెంట్‌లో ఈ చిత్రం దర్శకుడు మారుతి, నిర్మాత టీజీ విశ్వప్రసాద్, హీరోయిన్‌ నిధి అగ ర్వాల్, రిద్దికుమార్, మ్యూజిక్‌ డైరెక్టర్‌ తమన్‌. ఎస్‌ పాల్గొన్నారు.

ఈ సినిమాలోని పాటలు శ్రోతలను అలరిస్తున్నాయని, ఇందులో ముగ్గురు హీరోయిన్స్‌తో కలిసి ప్రభాస్‌ చేసిన ఓ సాంగ్‌ను త్వరలోనే రిలీజ్‌ చేస్తామన్నట్లుగా తమన్‌ మాట్లాడారు.

ది రాజాసాబ్‌ సినిమా నుంచి విడుదలైన కంటెంట్‌కు ప్రేక్షకుల నుంచి వస్తున్న స్పందన సంతోషాన్నిస్తుందని, ‘ది రాజాసాబ్‌’తో ఈ సంక్రాంతి ‘రెబల్‌ సంక్రాంతి’ అవుతుందని దర్శకుడు మారుతి చెప్పారు.

ప్రభాస్‌ మూవీ రేంజ్‌ ఏంటో ‘ది రాజాసాబ్‌’ (TheRajasaab Movie) సినిమాతో ఆడియన్స్‌ చూస్తారని ఈ చిత్రం నిర్మాత టీజీ విశ్వప్రసాద్‌ అన్నారు. హైదరాబాద్‌లో ఓ గ్రాండ్‌ ప్రీ రిలీజ్‌ ఈవెంట్‌ని ప్లాన్‌ చేశామని, జనవరి 8న ప్రీమియర్స్‌ ప్లాన్‌ చేశామని ఆయన తెలిపారు. ఈ చిత్రం హీరోయిన్స్‌ నిధి అగర్వాల్, రిద్ధికుమార్‌లు పాల్గొని, ‘ది రాజాసాబ్‌’ సినిమాపై ప్రేక్షకులు చూపిస్తున్న ప్రేమకు ధన్యవాదాలు తెలిపారు.

Please Share