అడివి శేష్‌ డెకాయిట్‌ సినిమా రివ్యూ అండ్‌ రేటింగ్‌

Adivi Sesh Dacoit Movie Review: ‘క్షణం, గూఢచారి, ఎవరు?, హిట్‌ 2’ వంటి థ్రిల్లింగ్‌ సూపర్‌హిట్‌ మూవీతో యాక్టర్‌గా అడివి శేష్‌ సత్తా ఏంటో ఆడి యన్స్‌కు తెలిసిందే. ఈ హీరో నుంచి రాబోతున్న తాజా సినిమా ‘డెకాయిట్‌’. సోలో హీరోగా అడివి శేష్‌ నుంచి దాదాపు మూడు సంవత్సరాల తర్వాత రాబోతున్న రొమాంటిక్‌ అండ్‌ థ్రిల్లింగ్‌ యాక్షన్‌ లవ్‌స్టోరీ సినిమా ఇది. మృణాల్‌ఠాకూర్‌ హీరోయిన్‌గా నటించారు. మరి..ఈ సినిమా ఏప్రిల్‌ 10న (Adivi Sesh Dacoit Movie Release date) థియే టర్స్‌లో విడుదలవుతోంది. ఏప్రిల్‌ 9న హైదరాబాద్‌లో మీడియాకు ప్రత్యేక ప్రిమియర్‌ షోలను ప్రదర్శిం చారు. మరి..ఈ యాక్షన్‌ థ్రిల్లింగ్‌ స్టోరీ ఆడియన్స్‌ను మెప్పించిందా? మా పాయింట్‌ ఆఫ్‌ రివ్యూను చదవండి.

‘క్షణం, గూఢచారి, ఎవరు?, హిట్‌ 2’ వంటి థ్రిల్లింగ్‌ సూపర్‌హిట్‌ మూవీతో యాక్టర్‌గా అడివి శేష్‌ సత్తా ఏంటో ఆడియన్స్‌కు తెలిసిందే. ఈ హీరో నుంచి రాబోతున్న తాజా సినిమా ‘డెకాయిట్‌’ (Adivi Sesh Dacoit Movie Review). సోలో హీరోగా అడివి శేష్‌ నుంచి దాదాపు మూడు సంవత్సరాల తర్వాత రాబోతున్న రొమాంటిక్‌ అండ్‌ థ్రిల్లింగ్‌ యాక్షన్‌ లవ్‌స్టోరీ సినిమా ఇది. మృణాల్‌ఠాకూర్‌ హీరోయిన్‌గా నటించారు. మరి..ఈ సినిమా ఏప్రిల్‌ 10న థియే టర్స్‌లో విడుదలవుతోంది. ఏప్రిల్‌ 9న హైదరాబాద్‌లో మీడియాకు ప్రత్యేక ప్రిమియర్‌ షోలను ప్రదర్శిం చారు. మరి..ఈ యాక్షన్‌ థ్రిల్లింగ్‌ స్టోరీ ఆడియన్స్‌ను మెప్పించిందా? మా పాయింట్‌ ఆఫ్‌ రివ్యూను చదవండి.

సినిమా: డెకాయిట్‌ (Adivi Sesh Dacoit Movie Review)
ప్రధాన తారాగణం: అడివిశేష్, మృణాల్‌ఠాకూర్, అనురాగ్‌ కశ్యప్, సునీల్, కామాక్షీ భాస్కర్ల, అతుల్‌ కులకర్ణి, జైన్‌మేరీఖాన్‌
దర్శకత్వం: షానియల్‌ డియో
నిర్మాణం: అన్నపూర్ణ స్టూడియోస్, సుప్రియా యార్లగడ్డ, సునీల్‌ నారంగ్‌
సంగీతం: భీమ్స్‌ సిసిరోలియో, ఆర్‌ఆర్‌–గ్యానీ
కెమెరా: ధనుష్‌భాస్కర్‌
ఎడిటింగ్‌: కోదాటి పవన్‌కల్యాణ్‌
నిడివి: రెండు గంటల 32 నిమిషాలు
విడుదల తేదీ: ఏప్రిల్‌ 10 (Adivi Sesh Dacoit Movie Release date)
రేటింగ్‌: 2.5/5

కథ (Adivi Sesh Dacoit Movie Review)

హరిదాస్‌ (అడివి శేష్‌), సరస్వతి (మృణాల్‌ఠాకూర్‌) ప్రేమికులు. హరి తన ప్రేయసిని ముద్దుగా జూలియట్‌ అని పిలుస్తుంటాడు. సడన్‌గా ఓ రోజు హరి ఇంటి ఓనర్‌ మల్లి పై(కామాక్షీ భాస్కర్ల) సరస్వతి అన్నయ్య రమేష్‌ అతని అనుచరులు ఆత్యాచారం చేస్తారు. మల్లిని కాపాడేందుకు హరి అక్కడకు వచ్చి, రమేష్‌ను చంపేస్తాడు. తన అన్నయ్య రమేష్‌ను హరి ఎందుకు చంపాడో, సరస్వతికి తెలుసు. కానీ పోలీస్‌స్టేషన్‌లో
నిజాన్ని దాచేసి, అసలు హరి అంటే ఎవరో తనకు తెలియదని సరస్వతి చెబుతుంది. దీంతో సరస్వతి చెప్పిన అబద్ధం మూలంగా కడప సెంట్రల్‌జైల్‌లో హరిదాస్‌ పదమూడు సంవత్సరాలు గడుపుతాడు. తన జీవితం నాశనం కావడానికి తన ప్రేయసి సరస్వతియే కారణమని భావించి, ఆమెపై ద్వేషాన్ని పెంచుకుని, పగ తీర్చుకోవాలనుకుంటాడు హరిదాస్‌. ఇసాక్‌ భాయ్‌ (అతుల్‌ కులకర్ణి) సాయంతో హరిదాస్‌ తప్పించుకుంటాడు. సరస్వతిపై పగ తీర్చుకునేందుకు ఆమెను వెతుక్కుంటూ వస్తాడు హరిదాస్‌. అప్పటికే భాస్కర్‌తో సరస్వతి వివాహం జరుగుతుంది. వీరికి చిన్ని అనే కుమార్తె ఉంటుంది. భాస్కర్‌ హాస్పి టల్‌లో చికిత్స తీసుకుంటుంటాడు. ఓ సర్జరీ కోసం సరస్వతికి దాదాపు కోటి రూపాయల నగదు కావాలి. మరోవైపు దుబాయ్‌ వెళ్లేందుకు హరికి డబ్బులు కావాలి. దీంతో మరోమార్గం లేక వీరిద్దరూ ఓ దొంగతనం ప్లాన్‌ చేస్తారు. మరి…వీరి ప్లాన్‌ వర్కౌట్‌ అయ్యిందా? మధ్యలో పోలీసులు సీఐ రాంబాబు (అనురాగ్‌ కశ్యప్‌) ఏం చేశారు? హరి విషయంలో సరస్వతి ఎందుకు అబద్ధం చెప్పింది? మల్లి జీవితం ఏమైంది? అన్నది మిగిలిన కథ.

విశ్లేషణ

అడివి శేష్‌ అనగానే..క్షణం, ఎవరు? గూఢచారి…వంటి థ్రిల్లింగ్‌ సినిమాలు గుర్తొస్తాయి. ఈ తరహా జానర్‌కు లవ్‌ అంశాన్ని మిక్స్‌ చేసి, ‘డెకాయిట్‌’ సినిమా తీసినట్లుగా తెలుస్తోంది. కానీ థ్రిలింగ్‌ ట్విస్ట్‌లు, లవ్‌ ఎమోషన్‌ను బ్లెండ్‌ చేయడంలో నూతన దర్శకుడు షానియల్‌ డియో, అడివిశేష్‌ పూర్తిగా సఫలం కాలేదు. ఒకట్రెండు థ్రిల్లింగ్‌ మూమెంట్స్‌, ట్విస్ట్‌లు ఉన్నప్పటికీని ఈ స్టోరీకి ఇవి సరిపోలేదనిపిస్తాయి. ఎందుకంటే..కథలో కాన్‌ఫ్లిక్ట్‌ రివీల్‌ అయిన తర్వాత, క్లైమాక్స్‌ను ఆడియన్స్‌ ఊహించగలుగుతారు. ఇదే ఈ సినిమాకు మైనస్‌. అలాగే ఓ సారి రాబరీ చేసిన ప్లేస్‌కే, దొంగలుగా హీరో హీరోయిన్లు పదే పదే వెళ్తుండటం అనేది కన్వెన్సింగ్‌ లేదు.

రెండుమూడ్రోజుల్లో హార్ట్‌ ఆపరేషన్‌ అంటే…సదరు వ్యక్తి హాస్పిటల్‌ జాయిన్‌ కాకుండా.. కథకు ఆడియన్స్‌ కనెక్ట్‌విటీని దూరం చేస్తుంది. కారు చేజింగ్‌లు, యాక్షన్‌ సీక్వెన్స్‌లు, కోటి రూపాయల నగదు ఉన్న బ్యాగులను సరదాగా మోస్తుండటం అనేది కథలో ఉన్న ఎమోషన్‌ను ఆడియన్స్‌కు దూరం చేస్తున్నట్లుగా ఉంది. ఇక ఓ దొంగకు ఫోర్‌వీలర్‌ కారు డ్రైవింగ్‌ రాదు అనే కాన్సెప్ట్‌ని దర్శకుడు ఎందుకు డిజైన్‌ చేశారో అర్థం కాదు. అయితే హార్ట్‌ ఆపరేషన్‌ ట్విస్ట్‌, మెయిన్‌ విలన్‌ బ్యాగ్రౌండ్‌ స్టోరీ రివీల్స్‌ బాగున్నాయి. ఆడియన్స్‌ను థ్రిల్‌ చేస్తాయి. ఇంట్రవెల్‌ తర్వాత కొన్ని సీక్వెన్స్‌లు గ్రిప్పింగ్‌గా ఉన్నాయి. క్లైమాక్స్‌ ట్విస్ట్‌ ఊహించదగిందే. అడివి శేష్‌ స్టైల్‌ ఆఫ్‌ స్క్రీన్‌ ప్లే ఎందుకో మిస్సైందనిపించింది. ముఖ్యంగా సెకండాఫ్‌, ప్రీక్లైమాక్స్‌ సన్నివేశాల్లో ఈ లోటు కనిపించింది. ఇంటెన్స్‌ లవ్‌స్టోరీ పాయింట్‌ ఆఫ్‌ వ్యూలో సినిమా బాగుంది. కానీ థ్రిల్లింగ్‌ ఎలిమెంట్స్‌ పరంగా ఆడియన్స్‌ పూర్తిగా శాటిస్‌ఫై కాకపోవచ్చు. రాయలసీమ యాసలో హీరోహీరోయిన్లు డైలాగ్‌ డెలివరీ కరెక్ట్‌గా కుదరలేదు. వెంకటేష్‌ శీను, శ్రీకాంత్‌ ప్రేయసిరావే వంటి పాత సినిమాలు గుర్తుకు రావొచ్చు.అయితే కరోనా సమయంలో ప్రజల నుంచి కార్పొరేట్‌ హాస్పిటల్స్‌ ఏ విధంగా దోచుకున్నాయో..కళ్లకు కట్టినట్లు చూపించే ప్రయత్నం అభినందనీయం. లవ్‌ట్రాక్‌ బాగుంది.

నటీనటులు – సాంకేతిక నిపుణులు

హరిదాస్‌గా అడివి శేష్‌ బాగా నటించారు. గత సినిమాల్లో ఎక్కువగా ఇంటెన్స్‌ అండ్‌ థ్రిల్లింగ్‌ సీన్స్‌లో సెటిల్డ్‌ పెర్ఫార్మెన్స్‌తో ఆకట్టుకున్న అడివి శేష్‌, ఈ సినిమాలో ఎమోషనల్‌ సీన్స్‌లోనూ మరింత మెప్పించాడు. తనది ద్వేషం కాదు ప్రేమ అని చెప్పే సీన్‌లో ఎమోషన్‌ పలికించాడు. అలాగే నాకు జైలు..నీకు ఇల్లు..అనే సీన్‌లో ఇంటెన్స్‌ పెర్ఫార్మెన్స్‌ చూపించాడు. ఇక ఈ సినిమాలో సరస్వతిగా బలమైన పాత్రలో నటించారు ఠాకూర్‌. రెగ్యులర్‌ హీరోయిన్‌ రోల్‌ కాదు. కథను డ్రైవ్‌ చేసే రోల్‌ చేశారు. యాక్షన్‌ ఈజ్‌తో కూడిన రోల్‌ ఇది. ఇంటెన్స్‌, ఎమోషన్స్‌, లవ్‌సీన్స్‌లో…తనదైన శైలి యాక్టింగ్‌ మ్రుణాల్‌ మరోసారి యాక్టర్‌గా మార్కులు దక్కించుకున్నారు.

పోలీస్‌ ఆఫీసర్లుగా అనురాగ్‌ కశ్యప్‌, జైన్‌ మేరీ ఖాన్‌, సునీల్‌లు యాక్ట్‌ చేశారు. అనురాగ్‌ కశ్యప్‌ను సరిగా వినియోగించుకోలేదు. సునీల్‌ క్యారెక్టర్‌ ఓ సీన్‌లో సర్‌ప్రైజింగ్‌గా అనిపిస్తుంది. జైన్‌మేరీఖాన్‌ రోల్‌కు సరైన ఇంపార్టెన్స్‌ లేదు. కామాక్షీ భాస్కర్ల కథకు కీలమైన సీన్స్‌లో కనిపించారు. కానీ ఆమెకు యాక్టింగ్‌ స్కోప్‌ ఉన్న రోల్‌ లేదు. ఇసాక్‌ భాయ్‌గా అతుల్‌ కులకర్ణి, కరుణ హాస్పిటల్‌ సీఈవో సోమనాథ్‌గా ప్రకాష్‌రాజ్‌ వారి పాత్రల పరధిమేరకు యాక్ట్‌ చేశారు. భీమ్స్‌ సిసిరోలియో మ్యూజిక్‌ సౌండ్‌ చేయలేదు. కానీ గ్యానీ ఆర్‌ఆర్‌ అక్కడక్కడ మోగింది. ముఖ్యంగా కన్నెపెట్టరో సాంగ్‌, ఎమోషనల్‌ సీన్స్‌లో బాగుంది. భాస్కర్‌ విజువల్స్‌, ఎడిటింగ్‌ యాస్పెట్స్‌ బాగున్నాయి. ఫస్టాఫ్‌లోని కొన్ని ఎడిట్‌ సీన్స్‌ సూపర్భ్‌గా అనిపించాయి. సుప్రియ నిర్మాణ విలువలు బాగున్నాయి.

ఫైనల్‌గా : ఓ ఇంటెన్స్‌ లవ్‌స్టోరీని ఆశించే ఆడియన్స్‌కు డెకాయిట్‌ నచ్చుతుంది. రెగ్యులర్‌గా థ్రిల్లర్‌ సినిమాలు చూసే వారికి మాత్రం…థ్రిల్‌-యాక్షన్‌ ఫ్యాక్టర్స్‌లో మాత్రం టోటల్‌గా శాటిఫై అవ్వరు.