Nagarjuna next film: టాలీవుడ్లో కింగ్ నాగార్జున, దర్శకుడు కళ్యాణ్ కృష్ణలదిసక్సెస్ ఫుల్ కాంబో. అక్కినేని ఫ్యాన్స్కు ‘సోగ్గాడే చిన్ని నాయన’,’బంగార్రాజు’ వంటి బిగ్గెస్ట్ కమర్షియల్ హిట్లను అందించిన ఈ క్రేజీ కాంబినేషన్, ఇప్పుడు హ్యాట్రిక్ విజయంపై కన్నేసింది. వీరిద్దరి కలయికలో మూడవ సినిమా పట్టాలెక్కబోతుందనే వార్త ప్రస్తుతం ఫిలిం నగర్ వర్గాల్లో హాట్ టాపిక్గా మారింది (Telugu cinema).
నాగార్జున బాడీ లాంగ్వేజ్కు సరిపోయే విలేజ్ బ్యాక్డ్రాప్, ఫ్యామిలీ ఎమోషన్స్ మరియు పక్కా ఎంటర్టైన్మెంట్ కలగలిపిన ఒక కొత్త కథను కళ్యాణ్ కృష్ణ సిద్ధం చేసినట్లు తెలుస్తోంది. నాగార్జునకు ఈ కథాంశం బాగా నచ్చడంతో, పూర్తిస్థాయి స్క్రిప్ట్ను డెవలప్ చేయమని గ్రీన్ సిగ్నల్ ఇచ్చారట.ప్రస్తుతం నాగార్జున తన ప్రతిష్టాత్మక 100వ సినిమా పనుల్లో బిజీగా ఉన్నారు.ఈ ప్రాజెక్ట్ పూర్తయిన వెంటనే, కళ్యాణ్ కృష్ణ సినిమాను సెట్స్ పైకి తీసుకెళ్లే అవకాశం ఉంది. నాగ్ ఇమేజ్కు తగినట్లుగా స్టైలిష్ ఎలిమెంట్స్తో పాటు,మాస్ ప్రేక్షకులను మెప్పించే వినోదం ఈ సినిమాలో పుష్కలంగా ఉండబోతుందని సమాచారం (Tollywood movie updates).
గతంలో నాగార్జునకు ‘సోగ్గాడే చిన్ని నాయన’, నాగచైతన్యకు ‘రారండోయ్ వేడుక చూద్దాం’ వంటి బ్లాక్ బస్టర్స్ అందించిన ఈ దర్శకుడు, ఈసారి నాగ్ కోసం మరింత పవర్ఫుల్ స్క్రిప్ట్ను రెడీ చేస్తున్నారట. అక్కినేని హీరోలతో తనకున్న సక్సెస్ ఫుల్ బాండింగ్ను ఈ సినిమాతో మరో స్థాయికి తీసుకెళ్లాలని ఆయన భావిస్తున్నారు.బంగార్రాజు ఫ్రాంచైజీ తరహాలోనే ఈ మూడవ సినిమా కూడా బాక్సాఫీస్ వద్ద భారీ అంచనాలను కలిగి ఉంది. త్వరలోనే ఈ ప్రాజెక్ట్కు సంబంధించి అధికారిక ప్రకటన వెలువడనుంది.
