‘భీష్మ’ తర్వాత హీరో నితిన్ (Nithin), దర్శకుడు వెంకీ కుడుముల కలిసి మళ్లీ ‘రాబిన్‌హుడ్‌’ (Robinhood) సినిమా చేశారు. మైత్రీ మూవీమేకర్స్‌ సంస్థ నిర్మించింది. ‘రాబిన్‌హుడ్‌’ సినిమాను డిసెంబరు 25 రిలీజ్‌కి ఫిక్స్‌ చేశారు. కానీ చివరినిమిషంలో ‘రాబిన్‌హుడ్‌’ సినిమా రిలీజ్‌ను వాయిదా చేశారు. మైత్రీమేకర్స్‌ నిర్మించిన ‘పుష్ప 2’ సినిమా ఇంకా థియేటర్స్‌లో ఆడుతూనే ఉంది. క్రిస్మస్‌కు కూడా ‘పుష్ప’ సినిమా మరిన్ని థియేటర్స్‌లో ఉంటే మరింత లాభం వస్తుందెమోనని మైత్రీమూవీమేకర్స్‌ ఆలోచించి ఉండొచ్చు. అలాగే ‘రాబిన్‌హుడ్‌’ సినిమా రిలీజ్‌ను డిసెంబరు 25 నుంచి వాయిదా వేశారు.
ఒకవేళ ఈ చిత్రం సంక్రాంతికి వస్తుందెమోనని అనుకున్నారు. కానీ ఆల్రెడీ సంక్రాంతి బరిలో రామ్‌చరణ్‌ ‘గేమ్‌చేంజర్‌’, వెంకటేష్‌ ‘సంక్రాంతికి వస్తున్నాం’, బాలకృష్ణ ‘డాకుమహారాజ్‌’ సినిమాలు ఉన్నాయి. వీటికి తోడు అజిత్‌ ‘విడాముయర్చి’ సంక్రాంతి రిలీజ్‌కు రెడీ అవుతోంది. ఈ నేపథ్యంలో ‘రాబిన్‌హుడ్‌’కి స్పేస్‌ లేదు.
Rajinikanth: 30 ఏళ్ల తర్వాత మిత్రులందర్నీ కలుస్తున్న రజనీకాంత్‌
నితిన్ హీరోగా చేసిన మరో సినిమా తమ్ముడు. ‘దిల్‌’ రాజు నిర్మాత. ఈ సినిమాను శివరాత్రి సందర్భంగా రిలీజ్‌ చేయాలనుకున్నారు. కానీ రాబిన్‌ హుడ్ రిలీజ్‌ ముందు ప్రియారిటీ కాబట్టి, ఈ సినిమా రిలీజ్‌ అయినతర్వాతే తమ్ముడు రిలీజ్‌ కావొచ్చు. ‘రాబిన్‌హుడ్‌’ సినిమా 2025 సంక్రాంతి తర్వాతే విడుదల అవుతుంది. నితిన్ నుంచి నెల రోజుల గ్యాప్‌లో రెండు సినిమాల రిలీజ్‌లు రాకపోవచ్చు. ఇలా నితిన్ చేసిన ‘రాబిన్‌ హుడ్, తమ్ముడు’ సినిమాల రిలీజ్‌లు వాయిదా పడ్డట్టే. మరి…ఈ రెండు సినిమాలు ఎప్పుడు రిలీజ్‌ అవుతాయో చూడాలి.
