త్రివిక్రమ్‌ సినిమా టైటిల్స్‌లో మేజర్‌ సినిమాల్నీ..‘అ’ అక్షరంతోనే మొదలవుతాయి. ఈ ‘అ’ సెంటిమెంట్‌తో త్రివిక్రమ్‌ డైరెక్షన్‌లో వచ్చిన ‘అల..వైకుంఠపురములో..’, ‘అతడు’ ‘అ..ఆ’ వంటి సినిమాలు విజయాలు సాధించగా, ‘అజ్ఞాతవాసి’ వంటి సినిమాలు ఫ్లాప్‌గా నిలిచాయి. అయితే త్రివిక్రమ్‌ మరోసారి తన ‘అ’ సెంటిమెంట్‌తో రానున్నారట.
హీరో వెంకటేష్(Venkatesh), దర్శకుడు త్రివిక్రమ్‌ (Trivikram)కాంబినేషన్‌లో ఓ మూవీ రానుందనే ప్రచారం జరుగుతోంది. హారిక అండ్‌ హాసిని క్రియేషన్స్‌పై సూర్యదేవర రాధాకృష్ణ ఈ మూవీని నిర్మించనున్నారు. ఈ సినిమాకు ‘ఆనంద రామయ్య’ (anandharamaiah)అనే టైటిల్‌ను పరిశీలిస్తున్నారట త్రివిక్రమ్‌. అలాగే..‘కుటుంబరావు’ అనే మరో టైటిల్‌ను పరిశీలిస్తున్నారట త్రివిక్రమ్‌.. ఈ టైటిల్స్‌ని బట్టి చూస్తుంటే….వెంకటేష్‌తో త్రివిక్రమ్‌ తీయబోయేది…పక్కా ఫ్యామిలీ ఎంటర్‌టైనర్‌ మూవీ అని తెలుస్తోంది. గతంలో త్రివిక్రమ్‌ రైటర్‌గా పని చేసి, వెంకటేష్ హీరోగా చేసిన ‘నవ్వునాకు నచ్చావ్, మల్లీశ్వరి’ వంటి సినిమాలు ఎంత భారీ హిట్స్‌గా నిలిచాయో తెలిసిందే.
