Venkatesh remuneration: టాలీవుడ్ సీనియర్ హీరోల్లో ‘విక్టరీ’ వెంకటేష్ మరోసారి బాక్సాఫీస్ వద్ద తన సత్తా చాటుతున్నారు. వరుస విజయాలతో ఫ్యామిలీ ఆడియన్స్కు మరింత చేరువైన వెంకీ మామ, ఇప్పుడు తన మార్కెట్ రేంజ్ను కూడా భారీగా పెంచేసుకున్నారు. ఫిలిం నగర్ సమాచారం ప్రకారం, వెంకటేష్ తన పారితోషికాన్ని ఏకంగా రెట్టింపు చేసినట్లు తెలుస్తోంది. ఇప్పటివరకు ఒక్కో సినిమాకు సుమారు రూ. 10 కోట్ల వరకు తీసుకున్న ఆయన,ఇప్పుడు రూ. 20 కోట్ల మార్కును టచ్ చేసినట్లు సమాచారం.
2025లో వచ్చిన ‘సంక్రాంతికి వస్తున్నాం’ చిత్రం బాక్సాఫీస్ వద్ద కలెక్షన్ల వర్షం కురిపించడమే కాకుండా, వెంకీకి ఉన్న ఫ్యామిలీ ఇమేజ్ను మరోసారి నిరూపించింది. ఈ సినిమాకు ఆయన రూ.10 కోట్లు తీసుకోగా, ఆ సక్సెస్ ఇప్పుడు ఆయన రేటును డబుల్ చేసింది. మెగాస్టార్ చిరంజీవి ‘మన శంకర వరప్రసాద్’ చిత్రంలో వెంకటేష్ చేసిన గెస్ట్ రోల్కు అద్భుతమైన స్పందన వచ్చింది. ఇది ఆయన క్రేజ్ను మరింత పెంచింది. ప్రస్తుతం వెంకీ వరుస సినిమాలను లైన్లో పెట్టారు. ఈ కొత్త సినిమా కోసం వెంకటేష్ రూ. 20 కోట్ల పారితోషికం అందుకుంటున్నారని టాక్. ఒక్క హిట్ తోనే తన రెమ్యూనరేషన్ను 100 శాతం పెంచేయడం ఇండస్ట్రీలో చర్చనీయాంశంగా మారింది (Venkatesh remuneration).
(Telugucinea News) సక్సెస్ ఫుల్ డైరెక్టర్ అనిల్ రావిపూడితో చేయబోయే తదుపరి చిత్రానికి కూడా ఇదే స్థాయి పారితోషికం ఖరారైనట్లు తెలుస్తోంది. స్టార్డమ్ కంటే కూడా కథా బలానికి ఎక్కువ ప్రాధాన్యత ఇచ్చే హీరోగా వెంకటేష్కు ప్రత్యేక గుర్తింపు ఉంది. కొత్త దర్శకులను ప్రోత్సహిస్తూనే, మినిమం గ్యారెంటీ సినిమాలతో నిర్మాతలకు లాభాలు తెచ్చిపెట్టే ఆయన, ఇప్పుడు రెమ్యూనరేషన్ పరంగానూ టాప్ లీగ్లోకి చేరిపోయారు (Venkatesh remuneration).
