mana shankara vara prasad garu review: చిరంజీవి ఫ్యామిలీ జానర్ సినిమా చేసి, చాలా కాలమైంది. ఈ సమయంలో చిరంజీవి నుంచి ఈ తరహా ‘మనశంకరవరప్రసాద్గారు’ వంటి ఓ సినిమా రావడం, పైగా ఆ సినిమా సంక్రాంతికి రిలీజ్ కావడం, ఆపై ఇందులో వెంకటేశ్ కూడా నటించడంతో, ఈ సినిమాపై ఆడియన్స్ భారీ అంచానలు పెట్టుకున్నారు. ఇంకా సంక్రాంతి సమయంలో బ్లాక్ బస్టర్ హిట్స్ అందించిన అనిల్రావిపూడి ‘మనశంకరవరప్రసాద్గారు’ సినిమాకు దర్శకుడు కావడం మరో మేజర్ ప్లస్ పాయింట్ అనే చెప్పవచ్చు. ఇద్దరు స్టార్ హీరోలు, ఓ స్టార్ డైరెక్టర్ చేసిన ‘మనశంకరవరప్రసాద్గారు’ సినిమా మరి..ఆడియన్స్ను ఏ రేంజ్లో ఎంటర్టైన్ చేసింది? అనేది రివ్యూలో చదివేయండి (మనశంకరవరప్రసాద్గారు రివ్యూ).
సినిమా: మనశంకరవరప్రసాద్గారు (mana shankara vara prasad garu review)
నటీనటులు: చిరంజీవి, నయనతార, వెంకటేశ్, క్యాథరీన్, సుదేవ్ నాయర్
దర్శకత్వం: అనిల్రావిపూడి (mana shankara vara prasad garu Director AnilRavipudi)
నిర్మాణం: సుష్మితా కొణిదెల, సాహు గారపాటి
సంగీతం: భీమ్స్ సిసిరోలియో
సినిమాటోగ్రఫీ: సమీర్రెడ్డి
ఎడిటర్: తమ్మిరాజు
నిడివి:2 గంటల 44 నిమిషాలు
విడుదల తేదీ: 12-1-2026 (mana shankara vara prasad garu Release date)
రేటింగ్:2.75/5 (mana shankara vara prasad garu Movie Rating)
mana shankara vara prasad garu Story: కథ
శంకరవరప్రసాద్ (చిరంజీవి) నేషనల్ సెక్యూరిటీ ఆఫీసర్. జీవీఆర్ గ్రూప్ కంపెనీస్ ఎండీ జీవీఆర్ (సచిన్ ఖేడ్కర్) కుమార్తె శశిరేఖ (నయనతార). శంకరవరప్రసాద్, శశిరేఖ ప్రేమ వివాహం చేసుకుంటారు. ఇది జీవీఆర్కు నచ్చదు. మూడు సంవత్సరాల తర్వాత శంకరవరప్రసాద్ దగ్గరకు వెళ్లి, తాను మారిపోయానని చెబుతాడు జీవీఆర్. శశిరేఖ లాంటి చదువుకున్న అమ్మాయి గృహిణిగా ఉండటం కరెక్ట్ కాదని, తన వ్యాపారాలను చూసుకునేందుకు తన ఇంటికి రావాలని వరప్రసాద్, శశిరేఖలను కోరతాడు జీవీఆర్. వాళ్లు కూడా ఒప్పు కుంటారు. కానీ వరప్రసాద్–శశిరేఖలను వీడదీయాలన్నది జీవీఆర్ ప్లాన్. తన ఆలోచనలతో వీరి ఇద్దర్నీ అనుకున్నట్లుగా విడదీస్తాడు జీవీఆర్. వరప్రసాద్–శశిరేఖలు విడాకులు తీసుకుంటారు. ఈ సమయానికి ఈ దంపతులకు ఇద్దరు సంతానం. పాప నిక్కీ. బాబు విక్కీ.
శశిరేఖతో విడాకుల తర్వాత తాను పిల్లలకు దూరమైపోయాయని బాధపడుతుంటాడు వరప్రసాద్. మెల్లిగా పిల్లలకు దగ్గర అవుతాడు. స్కూల్లో పీటీ మాస్టర్గా పిల్లలకు దగ్గర అవుతాడు వరప్రసాద్. అయితే ఇదే సమయంలో జీవీఆర్పై పెద్ద ఏటాక్ జరుగుతుంది. అయితే తన ఇన్వెస్టిగేషన్లో ఈ ఏటాక్ జీవీఆర్పై కాదని, తన భార్యాపిల్లలపై ప్లాన్ చేశారని వరప్రసాద్ తెలుసుకుంటాడు. మరి..ఆ తర్వాత ఏం జరిగింది? తన భార్యాపిల్లలను వరప్రసాద్ ఎలా కాపాడుకున్నాడు? శంకరవరప్రసాద్ భార్యాపిల్లలను చంపా లనుకుంటున్నది ఎవరు? ఎందుకు? వరప్రసాద్–శశిరేఖ మళ్లీ కలిసిపోయారా? అన్న ఆసక్తికరమైన అంశాలను సినిమాలోనే చూడాలి.
Mana Shankara Vara Prasad Garu film analysis: విశ్లేషణ
భార్యభర్తల మధ్య ఎన్ని గొడవులు ఉన్నా, మూడోవ్యక్తి మధ్యలోకి రావాల్సిన అవసరం లేదని..భార్యభర్తల మధ్య ఏ సమస్య వచ్చినా, ఈ సమస్య పరిష్కారానికి వాళ్లలో వాళ్లే ఫైట్ చేసుకుని, ఆ ప్రాబ్లమ్ని ఫిక్స్ చేసుకుని, అలాగే సంతోషంగా జీవితాన్ని కొనసాగించాలనే ఓ మంచి పాయింట్ను చెప్పే ప్రయత్నం చేశా రు దర్శకుడు అనిల్ రావిపూడి. ఓ మంచి ఫ్యామిలీ డ్రామాను క్రియేట్ చేసి, ఇందులో ఓ క్రైమ్ ఎలిమెంట్ని యాడ్ చేశాడు అనిల్ రావిపూడి.
విడాకుల తర్వాత వరప్రసాద్లైఫ్, తన పిల్లలకు వరప్రసాద్ దగ్గర కావడం, తన మామ ఇంటికి తానే సెక్యూరిటీ ఆఫీసర్గా వెళ్లడం వంటి సీన్స్తో ఫస్ట్ హాఫ్ ముగుస్తుంది. భార్యను కన్వెన్స్ చేయడానికివరప్రసాద్ పడే పాట్లు, క్రైమ్ ఇన్వెస్టిగేషన్, దోషిని పట్టుకోవడంతో సినిమా సమాప్తం అవుతుంది.
దర్శకుడు అనిల్రావిపూడి ఏ సినిమా చేసినా కూడా, అందులో హీరోకి పోలీస్ ఆఫీసర్ కనెక్షన్ ఉంటుంది. ఇదే ప్యాట్రన్ను ఈ సినిమాలోనూ ఫాలో అయ్యాడు అనిల్ రావి పూడి. వరప్రసాద్ పిల్లలకు దగ్గర అయ్యే సన్నివేశాలు చాలా ఎమోషనల్గా బాగున్నాయి. తిండిబోతు సుగుణదేవ్ సీపీఎల్ ఎపిసోడ్ నవ్వు తెప్పి స్తుంది. ఆడియన్స్ బాగా ఎంజాయ్ చేస్తారు. వెంకీ గౌడగా వెంకీ ఏంట్రీ, చిరంజీవి–వెంకటేశ్ల మధ్య ఉన్న కాంబినేషన్ సీన్స్ వీరి అభిమానులకు నచ్చుతాయి.
తొలిభాగంలో పిల్లల ఎమోషన్ను క్యాప్చర్ చేసిన దర్శకుడు, సెకండాఫ్లో పిల్లల ఎమోషన్ను పూర్తిగా పక్కకు పెట్టినట్లుగా చూపించడం సరిగా లేదు. తల్లితో పిల్లల ఎమోషనల్ సీన్స్ పెద్దగా ఉన్నట్లుగా లేదు. భార్యభర్తల ట్రాక్లో అక్కడక్కడ అజిత్ ‘విశ్వాసం’ సినిమా ఛాయలు కనిపించాయి. వెంకీ ఎపిసోడ్ థియేటర్స్లో ఆడియన్స్ను ఎంటర్టైన్ చేస్తుంది. అదే సమయంలో కాస్త సాగదీతగా కూడా అనిపిస్తుంది. ఇద్దరు స్టార్ హీరోలను బ్యాలెన్స్ చేయడం కోసం దర్శకుడు ఈ సీన్స్ను రాసుకున్నట్లుగా తెలుస్తుంది. సెకండాఫ్ సీన్స్ ఆడియన్స్ ఊహకు తగ్గట్లుగానే సాగుతుంది. కథలోని ట్విస్ట్ కూడా చాలా సినిమాల్లో ఆడియన్స్ చూసేసినదే (Mana Shankara Vara Prasad Garu public talk,).
నటీనటులు- సాంకేతిక విభాగం
నేషనల్ సెక్యూరిటీ ఆఫీసర్గా శంకరవరప్రసాద్ పాత్రలో చిరంజీవి అదరగొట్టాడు. టాప్ హీరో పెర్ఫార్మెన్స్ ఏంటో మరోసారి ఆడియన్స్ను చూపించారు. సినిమా అంతటా చిరంజీవియే కనిపిస్తారు. ఫ్యాన్స్కు ఏదీ కావాలో ఆ కరెక్ట్ మీటర్ను ఈ సినిమాలో అందించారు చిరంజీవి. ఎమోషనల్, యాక్షన్, కామెడీ టైమింగ్, డ్యాన్స్, సెల్ఫ్సెటైర్స్ అన్నింట అదరగొట్టారు (Mana Shankara Vara Prasad Garu movie review)
శశిరేఖ తరహా పాత్ర నయనతారకు కొత్త ఏం కాదు. తన పాత్రకు నయనతార పూర్తి న్యాయం చేశారు. ఈ సినిమాకు ఓ మెయిన్ పిల్లర్లా నిలబడిన పాత్ర జీవీఆర్గా సచిన్ఖేడ్కర్ది. చిరంజీవి– సచిన్ ఖేడ్కర్ల మధ్య సన్నివేశాలు ఆడియన్స్ను సూపర్భ్గా ఎంటర్టైన్ చేస్తాయి. ఇక వెంకీ గౌడ పాత్రలో వెంకీ ఎనర్జి టిక్గా నటించాడు. కానీ ఈ పాత్రకు సినిమాలో అంత బలమైన ఇంపార్టెన్స్ లేదు. కేవలం ఆడియన్స్ను ఎంటర్టైన్ చేసేందుకు తెచ్చిపెట్టినట్లుగా ఉంది. శంకరవరప్రసాద్ టీమ్ సభ్యులు జ్వాలగా కేథరిన్, ముస్తాఫాగా అభినవ్ గోమటం, నారాయణగా హర్షవర్ధన్ వారి పాత్రల మేరకు యాక్ట్ చేశారు. సుగుణేష్గా చైల్డ్ ఆర్టిస్టు రోహన్ ((సంక్రాంతికి వస్తున్నాం ఫేమ్ బుల్లిరాజు) కాస్త నవ్వించాడు. సస్పెండెడ్ పోలీస్ ఆఫీసర్గా సుదేవ్ నాయర్ ఓ కీలక పాత్ర చేశాడు. ఢిల్లీలోని రాజకీయ నాయకుడు నితీష్గా శరత్ సక్సేనా తన పాత్ర పరిధిమేరకు నటించాడు.. జీవీఆర్ పీఏగా నటుడు శ్రీనివాసరెడ్డి కనిపించాడు. (Mana Shankara Vara Prasad Garu review,)
ఇక చిరంజీవిని ఆయన అభిమానులు ఎలా చూడాలనుకుంటున్నారో అలా స్క్రీన్పై చిరంజీవిని చూపించడంలో అనిల్రావిపూడి సక్సెస్ అయ్యారనే చెప్పవచ్చు. అయితే చిరంజీవి తనపై తానే సెల్ఫ్ సెటైర్స్ వేసుకునే సన్నివేశాలు ఎక్కువగా ఉన్నందువల్ల…రిపీట్ సీన్స్ చూసిన భావన కలుగుతుంది. చిరంజీవి–వెంకటేశ్ల కాంబినేషన్ ట్రాక్ ను ఇంకాస్త బెటర్గా ప్రజెంట్ చేసి ఉండాల్సింది. రోటీన్గా కాకుండ. ఈ సినిమాకు భీమ్స్ సంగీతం సూపర్భ్ అనే చెప్పాలి. బాస్ అంటూ అదిరిపోయే ఆర్ఆర్ ఇచ్చాడు. హుక్స్టెప్, మీసాల పిల్లా, శశిరేఖ పాటలు బాగున్నాయి. సినిమాటోగ్రఫీ బాగుంది. ఎడిటింగ్కు ఇంకాస్తస్కోప్ ఉంది. నిర్మాణ విలువలు బాగున్నాయి (Mana Shankara Vara Prasad Garu Telugu movie review).
